Santa Marina Ospitaleko eta Biobizkaiko profesionalak “Enfermería en Desarrollo” Sarietako IX. Edizioko finalista

 “Enfermería en Desarrollo” aldizkariak zazpi kategoriatan ematen ditu sariak, erizaintzaren kolektiboaren hobekuntza profesionalari egindako ekarpenak aintzatesteko

Arantxa Picón Erizaintzako zuzendariaren eta Sendoa Ballesteros Ikerketa eta Berrikuntzako arduradunaren eta Biobizkaiko ikertzailearen proiektuak finalista hautatu dituzte 300 proposamenen artean

Bilbo, 2023ko azaroaren 14a. “Enfermería en Desarrollo” sariak zazpi kategoriatan banatzen dira. IX. edizio honetan autonomia-erkidego guztietako 272 hautagai aurkeztu dira. Azken hilabete hauetan egindako balorazio-prozesuan, guztira 57 epaimahaikidek hartu dute parte.

Sari horiek erizaintzarekin loturaren bat duten profesional, kolektibo eta erakunde guztiei zuzentzen zaizkie. “Enfermería en Desarrollo” aldizkariak antolatzen ditu, lanbidearen balioak hedatzeko argitalpen-zereginaren osagarri gisa, eta bi xede nagusi dituzte: babes profesionala eta aintzatespena.

Arantxa Picón Santamaría Osakidetzako Santa Marina Ospitaleko Erizaintzako zuzendariaren proiektua (Bundle CON-TACTO: una maleta de recursos para mejorar el viaje del paciente) finalista da “Hautemandako kalitatea” kategorian.

Sendoa Ballesteros Peña Osakidetzako Santa Marina Ospitaleko Ikerketa eta Berrikuntzako arduradunaren eta Biobizkaiko ikertzailearen proiektua (Grupo de investigación: Enfermería clínica y Salud Comunitaria: Un grupo consolidado de excelencia liderado por enfermería) finalista da “Erizaintza-lana” kategorian.

Giltzarria, lan kolektiboa

Hautatutako bi proiektuetan talde-lanaren garrantzia nabarmendu behar da, talde-lanari esker hedatu baitira emaitzak eta lortu baita izen handiko sari hauetan finalista izatea.

Sarietan parte hartzeko aukera eman duten lanen emaitza lortu da Osakidetzaren, Biobizkaia Osasun Ikerketarako Institutuaren eta Euskal Herriko Unibertsitatearen arteko elkarlanari esker. Erakundeen arteko sinergia horrek proiektuen kalitatea eta garrantzia sendotu du, eta frogatu du lankidetzaren bidez nabarmen daitekeela erizaintzaren arloan eta, oro har, osasun-arretaren arloan.

 “Enfermería en desarrollo” sarien bederatzigarren edizioak parte-hartze handia izan du, eta sariak banatzeko ekitaldia bihar, asteazkena, azaroak 15, egingo da Madrileko Teatro Real antzokian.