Larrialdi batean, badakizu nori deitu?
Berriak Segurtasuna
qrcode

Ertzaintzak ETAk 1986an hil zuen Genaro García de Andoain Larrinaga gogoratu du

2023-11-02

Ertzaintzak ekitaldi bat egin du gaur eguerdian Erandion ETAk orain dela 37 urte, Ertzaintzako gaien ordezkari nagusia zenean, hil zuen Genaro García de Andoain Larrinagaren omenez. Victoria Landa Ertzaintzaren zuzendariak eta Josu Bujanda Ertzaintzaren buruak, beste agintari eta lankide batzuekin batera, errespetuzko minutu bateko isilunea egin dute Ertzaintzaren Erandioko egoitza nagusian.     

Euskadiko ertzain-etxeetan ere minutu bateko isilunea egin dute Ertzaintzako agintaria izan zenaren omenez.

Genaro García de Andoain Larrinaga, Ertzaintzako gaien ordezkari nagusia zena, 1986ko azaroaren 2an hil zuen ETAk Bizkaiko Ubide udalerrian. ETAk bahituta zuen Lucio Aguinagalde enpresaria askatzeko polizia-operatiboan parte hartzen ari zenean jaso zituen tiroen ondorioz hil zen. Operatiboan industrialaria askatzea lortu zuten.  

Konpromisoa Memoriarekin

Ertzaintzako 15 agente hil zituen ETAk 1985etik 2001era bitartean:

  1. Carlos Díaz Arcocha (1985).
  2. Genaro García de Andoain Larrinaga (1986).
  3. Juan José Pacheco Cano (1988).
  4. Luis Hortelano García (1989).
  5. Alfonso Mentxaka Lejona (1991).
  6. Joseba Goikoetxea Asla (1993).
  7. José Luis González Villanueva (1995).
  8. Iñaki Mendiluze Etxeberria (1995).
  9. Ramón Doral Trabadelo (1996).
  10. José María Aguirre Larraona (1997).
  11. Jorge Díez Elorza (2000).
  12. Mikel Uribe Aurkia (2001).
  13. Iñaki Totorika Vega (2001).
  14. Javier Mijangos Martínez de Bujo (2001).
  15. Ana Isabel Arostegui Legarreta (2001).
Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XII legealdia 2020 - 2024)