Zeinu hizkuntzaren eguna
Berriak Segurtasuna
qrcode

Ertzaintzak Txema Aguirre Larraona, ETAk 1997ko urriaren 13an hil zuen agentea, omendu du

2023-10-13

Ertzaintzak beste ekitaldi bat egin du gaur Bilbon orain dela 26 urte ETAk Bilbon hil zuen Txema Aguirre Larraona ertzainaren omenez. Omenaldian Victoria Landa Ertzaintzaren zuzendaria eta Alfonso Garaikoetxea, Herritarren Babeserako Ataleko burua, izan dira beste hainbat agintarirekin, lankide ertzainekin eta familiaren ordezkariekin batera. Ertzainaren izena daraman plazan, Guggenheim Museoaren ondoan, egin den ekitaldian lore-eskaintza eta minutu bateko isilunea egin dituzte.  

Oroimen-ekitaldia Ertzaintzaren unitate eta polizia-zentro guztietan ere egin dute gaur eguerdian, eta minutu bateko isilunea egin dute lankidearen oroimenez.

Txema Aguirre 1997ko urriaren 13an hil zuen ETAk, Bilboko Guggenheim Museoaren ingurua zaintzen ari zenean, museoaren inaugurazioa baino hainbat egun lehenago. Lekuan atentatu bat prestatzen ari zen komando terroristako kideetako batek tiro egin zion agenteari.  

Konpromisoa Memoriarekin

Ertzaintzako 15 agente hil zituen ETAk 1985etik 2001era bitartean:

  1. Carlos Díaz Arcocha (1985).
  2. Genaro García de Andoain Larrinaga (1986).
  3. Juan José Pacheco Cano (1988).
  4. Luis Hortelano García (1989).
  5. Alfonso Mentxaka Lejona (1991).
  6. Joseba Goikoetxea Asla (1993).
  7. José Luis González Villanueva (1995).
  8. Iñaki Mendiluze Etxeberria (1995).
  9. Ramón Doral Trabadelo (1996).
  10. José María Aguirre Larraona (1997).
  11. Jorge Díez Elorza (2000).
  12. Mikel Uribe Aurkia (2001).
  13. Iñaki Totorika Vega (2001).
  14. Javier Mijangos Martínez de Bujo (2001).
  15. Ana Isabel Arostegui Legarreta (2001).
Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak