Hauteskundeak 2024
Berriak Lehendakaritza
qrcode

UPV/EHUko udako ikastaroek Zientzia eta Teknologia aurkezten dituzte eraldaketa ekonomikoaren eta lurralde-lehiakortasunaren motor gisa

2023-09-28
  • Zientzia, Teknologia eta Berrikuntzarako komisionatuak tokiko eta eskualdeko ekonomiari buruzko ikastaro batean parte hartu du
  • Ikerkuntzak aurrerapen ekonomikoan eta gizartearen erronkak konpontzen lagundu behar du
  • Etorkizuneko gakoen artean, jasangarritasunerantz gehiago zuzentzea eta I+G+bren aldeko apustu estrategiko publikoari eustea aipatu ditu

 

Zientzia, Teknologia eta Berrikuntzarako Komisionatua Cristina Uriartek UPV/EHUren udako ikastaroan parte hartu du , "Enpresak dinamizatzeko, eraldaketa ekonomikorako eta ekintzailetzarako jarduerak. Tokiko eta eskualdeko ekonomiari buruzko I. ikastaroa”. Egunotan egiten ari da ikastaroa,  Donostian, UPV/EHUren Gipuzkoako Campuseko Carlos Santamaria zentroan, eta Naider aholkularitza-zerbitzuetako enpresak zuzentzen du.

Ikastaroaren helburuen artean, sustapen ekonomikorako, garapen teknologikorako, enpresa-dinamizaziorako, tokiko eta eskualdeko eskalatik abian jarritako ekintzailetzari laguntzeko esperientzia, metodologia eta tresna berritzaileak ezagutzeko aukera eskaintzea daude. Horretarako, adituen eta akademikoen laguntzaz baliatuko dira, eta gai horietan guztietan dauden joerak eta jardunbide onenak irakatsiko dituzte. Horrez gain, hirietako eta lurraldeetako  aldaketa prozesuak gidatzen dituzten esperientziak ezagutuko dituzte, dinamizazio ekonomikoko sormen-dinamikak abian jartzea ahalbidetzen dituztenak.

Ikastaroan Eusko Jaurlaritzako, Durangoko Udaleko, Oarsoaldeko, Donostiako Sustapeneko, Innobasqueko, Lanbideko, Euskampuseko, 42 Urdulizko, Stratako eta Naidereko ordezkariek parte hartuko dute.

Ikerkuntzak aurrerapen ekonomikoan eta gizartearen erronkak konpontzen lagundu behar du

Eusko Jaurlaritzako Zientzia, Teknologia eta Berrikuntzarako komisionatua Cristina Uriartek azaldu duenez, garapen ekonomiko eta soziala maila globalean gertatzen diren eraldaketa handien mende dago, hala nola trantsizio energetiko-klimatikoa, teknologiko-digitala eta sozial eta sanitarioa, sektore guztiei eta gizarteari eragiten dietenak. Halaber, bere uste pertsonala partekatu du, baita Jaurlaritzarena dena ere, Zientzia eta Teknologian, Ikerketan eta Berrikuntzan inbertitzea ezinbestekoa dela etorkizuneko edozein eraldaketa eta garapen-prozesutarako.

Jarraian deskribatu du, Europako Batzordeak 2020-2024 estrategian adierazi duela, Ikerketa eta Berrikuntza ezinbesteko oinarri direla nahi dugun etorkizuna eraikitzeko. Era berean, ezagutza berriek eta abangoardiako berrikuntzak gure gizartean gertatzen ari diren eraldaketa teknologiko eta digitalak bultzatuko dituztela, pertsonentzat eta planetarentzat etorkizun jasangarri eta oparo baterantz azkarrago aurrera egiten lagunduz. Alegia, elkartasunean eta balio europar partekatuekiko errespetuan oinarritutako etorkizuna.

Cristina Uriartek ikerkuntza eta berrikuntzako inbertsioen eta aberastasun ekonomikoaren eta ongizatearen arteko lotura erakusten duten azterlan eta argitalpen zientifiko ugariak aipatu ditu. Eta adibide praktiko batzuk oinarri hartuta, ondorioztatu du I+G+b arloko inbertsioak hazkunde ekonomikoaren eta oparotasunaren eragileak direla, eta, beraz, funtsezkoak direla Euskadiren etorkizuna bermatzeko. Hitzaldiaren zati hau amaitzeko esan du, atzean geratu nahi ez bagara, ezagutza berria sortzen inbertitzen jarraitu behar dugula, eta zientziaren, teknologiaren eta berrikuntzaren garapena babestu.

Etorkizuneko gakoen artean, jasangarritasunerantz gehiago zuzentzea eta I+G+bren aldeko apustu estrategiko publikoari eustea aipatu ditu

Komisionatuak Euskadik Zientzia, Teknologia eta Berrikuntzaren arloan egindako ibilbidea eta I+G+b jarduerak babesteko garatu diren politikak birpasatu ditu.

Azaldu du, Eusko Jaurlaritzak, hiru hamarkada baino gehiagotan zehar, ikerkuntzaren eta berrikuntzaren aldeko apustu estrategikoa egin duela, eta apustu hori bere politiketan eta zientzia, teknologia eta berrikuntzako planetan islatu da. Halaber, baliabide ekonomiko eta giza baliabide ugari eskaini zaizkie I+G jarduerei. Apustu estrategiko horren ondorioz, Zientzia, Teknologia eta Berrikuntzaren Euskal Sistema eraikitzen joan da.

Azken hamarkadetan lortutako emaitza nagusien artean, komisionatuak I+Gko inbertsioaren hazkundea sartu du (1981ean ia ez zegoen inbertsiorik eta 2022an 1.800 milioi inguru ziren, Eustaten arabera). Halaber, Euskadi berrikuntza handiko eskualde gisa sendotzea, Europako Batzordeak eskualdeko Bikaintasun Polo gisa kalifikatuta.

Lortutako aurrerapenen oinarri nagusiak, eta etorkizunari aurre egiteko baliagarriak izango zaizkigunak, politiken jarraitutasuna, lankidetza publiko-pribatua (Auzolana) eta inbertsio jarraituaren konpromisoa aipatu ditu.

Zientzia, Teknologia eta Berrikuntzarako egungo Planaren (ZTBP Euskadi 2030) zutabeak, helburuak, aurrerapenak eta egoera berrikusi ondoren, aurrera jarraitzeko oinarri batzuk zerrendatu ditu. Horien artean, gure I+G+b politiketan ingurumen eta gizarte jasangarritasunerantz gehiago zuzentzea bultzatzea sartu du, 2030 Agendaren esparruan eta Europako joerekin lerrokatuta, bai eta I+G+b-ren aldeko apustu estrategiko publikoari eustea ere.

Amaitzeko, komisionatuak honako hau azpimarratu du: "Gure apustua eraldaketa sozial eta ekonomikoko proiektuen garapenean oinarritzen da, ezagutza eta berrikuntza binomiotik abiatuta eta RIS3 espezializazio adimenduneko estrategiarekin lerrokatuta. Gure eredua lankidetza publiko-pribatuan oinarritzen da. Argi daukagu ikerketa eta berrikuntza herri apustua direla ".

2 iruzkin
  • Argazkia Xaver
    2023-09-29

    Baliabideak alferrik galdu gabe, baita ondorio neutroko erregai sintetikoak sortzeko ere, azpiproduktuak eraldatzeko isurketen harrapaketa baztertu gabe.

  • Argazkia Xaver
    2023-09-29

    Sin desaprovechar recursos incluso de residuos creación de combustibles sintéticos de efecto neutro sin desterrar la captura de emisiones transformación subproductos.

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak