Euskal ekonomiak aurreko hilabeteen antzeko balioari eutsi dio abuztuan, hazkunde leuneko eremuan
Euskal ekonomiaren termometroa 85,7 puntutan kokatu da abuztuan. Aurreko hilabeteetakoaren (85,6 uztailean eta 84,6 ekainean) antzeko balioa da eta, horri esker, hazkunde leuneko eremuan mantendu daiteke, 100 puntutik behera jarraitzen baitu, Ekonomia eta Ogasun Sailak egindako hilabete horretako termometroan jasotakoaren arabera.
Udan, esportazioek pixka bat hobera egin zuten, urte arteko bigarren hiruhilekoaren uzkurduraren ondoren. Etxeetako inbertsioak eta kontsumoak, berriz, moteldu egin zuten hazkundea. Eskaintzaren ikuspegitik, industriak bilakaera positiboa izan zuen, eraikuntza gelditu egin zen eta zerbitzuek hazkunde-bideari eutsi zioten, dinamismo txikiagoarekin bada ere. Enpleguak moderazio-seinaleak erakusten ditu azken hilabeteetako ibilbide positiboan.
Joan den martxoan (98,2), euskal ekonomia hazkunde leuneko eremuan sartu zen lehen aldiz duela bi urtetik.
Termometroa hilero egiten da, euskal ekonomiaren 100 adierazletik gora oinarri hartuta, eta hilabete bakoitzaren lehen egunetan argitaratzen da.
