Berriak Ekonomiaren Garapena, Jasangarritasuna eta Ingurumena
qrcode

Itsas ikerketako munduko aditu garrantzitsuenak bilduko dira Euskadin

2023-09-11

● ICES Konferentzia Zientifikoak ozeanoen erabilera jasangarriaren aldeko azken aurrerapenak aurkeztuko ditu irailaren 11tik 14ra Bilboko Euskalduna Jauregian.

● Europako eta Ipar Amerikako 750 profesional, ikerketa-institutuetako buru eta arduradun politiko baino gehiago izango dira ekitaldian.

● AZTI zentro teknologikoa, Eusko Jaurlaritzaren, Bizkaiko Foru Aldundiaren eta Bilboko Udalaren laguntzarekin, Itsasoa Esploratzeko Nazioarteko Kontseiluak (ICES) urtero sustatzen duen ekimenaren anfitrioia izango da.

Euskadi itsas ikerketako munduko aditu nagusien topagune bihurtuko da irailaren 11tik 14ra, Itsasoa Esploratzeko Nazioarteko Kontseiluaren (ICES) Urteko Konferentzia Zientifikoaren (ACS) barruan. Konferentzia horrek ozeanoen erabilera jasangarriaren aldeko azken aurrerapenak aurkeztuko ditu Bilboko Euskalduna Jauregian.

AZTI zentro teknologikoak esperientzia handia du eta erreferentea da nazioartean arlo zientifiko honetan, eta itsas zientzietako 750 profesional baino gehiagoren, ikerketa-institutuetako liderren eta Europako eta Ipar Amerikako herrialdeetako arduradun politikoen anfitrioia izango da. Horiek Euskadira hurbilduko dira itsas ekosistemen jasangarritasuna hobetzeko beharra eztabaidatzeko eta bateratzeko.

"Gero eta arreta handiagoa jartzen zaio gure ozeanoen garrantziari ingurumen- eta ekonomia-erronkei aurre egiteko orduan, bai estatu mailan bai nazioartean, eta, horregatik, konferentzia hau hemen egitea funtsezko itsas mugarria da Euskadirentzat eta Bizkaiarentzat", nabarmendu du Rogelio Pozo AZTIko CEOak.

Foroak, zientzialariek ere online jarraitu ahal izango dutena, ozeanoarekin lotutako gai interesgarriei eta gaurkotasunari buruzko hitzaldi, lan-saio eta mahai-inguruen programa zabal batean jorratuko du, eta arreta berezia jarriko du haren iraunkortasunaren alde zientzia, datuak eta aholkularitza emateko egiten ari den lanean.

Erronkak eta aukera berriak

Konferentzia honetan aurkeztutako lorpen zientifikoak lagungarriak izango dira itsasoko eta kostaldeko ekosistemek gizarteari ekartzen dizkioten onurei eustea bermatuko duten eta pertsonen osasuna, ekonomia eta bizi-kalitatea hobetzea ahalbidetuko duten oinarriak ezartzeko. Onura horiek, zerbitzu ekosistemikoak deituak, itsas eta giza sistemen erresilientzia klima-aldaketara egokitzeko eta handitzeko testuinguru batean aztertuko dira.

Ekimenak Garapen Iraunkorrari buruzko Munduko Gailurraren, 2030erako Biodibertsitate Estrategiaren eta Itsas Estrategiari buruzko Esparru Zuzentarauaren (MSFD) helburuen irismenean aurrera egiten jarraitzea ahalbidetuko du. Era berean, Arrantza Politika Bateratua osorik ezartzea erraztuko du, itsasoak eskaintzen dituen zerbitzuen eta onuren parte diren habitaten eta espezieen kontserbazio-egoera ona bermatzeko.

Gainera, nazioarteko ekitaldi hau erakartzea tokiko aberastasuna sortzearen aldeko apustu berri bat da, Euskadira ekitaldi bereziak erakarriz. Horrela, konferentzia honen alderdi tekniko eta zientifikoei buruzko emaitzetatik haratago, kalkulatzen da 380.000 eurotik gorako eragina izango duela, eta urtean 3.8 lanposturi eusten lagunduko duela. Ostalaritza, I+G, kultura-zerbitzuak, txikizkako merkataritza eta garraioa dira sektore onuragarrienak.

Hitzorduak Eusko Jaurlaritzaren, Bizkaiko Foru Aldundiaren eta Bilboko Udalaren babesa du, eta Marine Instruments enpresa galiziarraren laguntza dauka.

ICESi buruz

Itsasoa Esploratzeko Nazioarteko Kontseilua (ICES) itsas zientzien gobernu arteko erakundea da, eta gure itsaso eta ozeanoen egoerari eta erabilera iraunkorrari buruzko datu inpartzialak edukitzeko gizarteak dituen beharrei erantzuten die.

Itsas ekosistemen eta ematen dituzten zerbitzuen ulermen zientifikoan aurrera egitea eta partekatzea du helburu, eta ezagutza horiek erabiltzea kontserbazio-, kudeaketa- eta iraunkortasun-helburuak lortzea ahalbidetuko duen abangoardiako aholkularitza sortzeko.

ICESek aholkularitza zientifikoa eskaintzen die agintari publikoei, hala nola Europako Batzordeari, itsas politika eta kudeaketarekin lotutako hainbat gairi buruz. Ekosistemen zerbitzuei eta giza jardueren ondorioei buruzko aholkularitza barne hartzen du, baita arrantzari, eta ingurumenaren egoera eta joerei buruzkoa ere.

AZTIri buruz

AZTI itsas ingurunean eta elikaduran espezializatutako zentro zientifiko eta teknologikoa da, eta inpaktu handiko eraldaketa proiektuak gauzatzen ditu Nazio Batuen 2030 GIHekin bat datozen erakundeekin. Zientzia eta ikerketa sendoetan oinarritutako abangoardiako eta balio erantsiko produktu eta teknologien bidez, etorkizunerako aldaketa positiboa bultzatu nahi du, gizarte osasuntsu, iraunkor eta oso bati lagunduz.

40 urteko esperientzia du, eta presentzia dauka 45 herrialdetan. Hiru egoitza ditu EAEn, bai eta 290tik gorako langileko lantaldea ere. Indexatuta egin dituen 1.500 argitalpenek baino gehiagok bermatzen dute AZTIren ibilbide luzea, eta bere bikaintasuna ikertzaileek egiaztatzen dute, horietatik %60 doktoreak baitira.

Basque Research and Technology Alliance (BRTA) aliantzako kidea da. Aliantza hori lankidetza bidezko lau ikerketa zentrok eta 12 zentro teknologikok osatzen dute, helburua izanik kideen arteko lankidetza sustatzea, ezagutza sortzeko eta enpresei transmititzeko baldintzak indartzea, haien lehiakortasunean laguntzeko, eta industria sarea dinamizatzea, euskal gaitasun zientifiko-teknologikoa kanpoan proiektatzeko.

4 iruzkin
  • Argazkia Xaver
    2023-09-13

    Baldin eta Europa mailan erregai fosilak erauztea planteatu badaiteke, eskariaren gorabeherek inflazio handiagoa eta zorraren gehikuntza eragin dezaketenean, energia-trantsizioak irauten duen bitartean erreserba ateratzea.

  • Argazkia Xaver
    2023-09-13

    Si cabe plantearse extracción combustibles fósiles a nivel europeo cuando las fluctuaciones de la demanda puedan causar más inflación e incremento de deuda, extracción de reserva mientras dure la transición energética.

  • Argazkia Carmen Ruiz Azcona
    2023-09-13

    Simplemente, no creo ya en vosotros, todo es márquetin y propaganda política. Lo que hacéis realmente no lo sabemos. Estoy muy decepcionada. y no sois lo que decís sino lo que hacéis; por ejemplo es cierto lo que ha comentado Rafa Pérez Beristain ?
    Las playas están contaminadas, se está permitiendo el baño en sitios que debería estar prohibido, por ejemplo Toña de Sukarrieta, al lado de Azti. ¿ Alguien se ha preocupado y puesto remedio a las aguas que se vierten contaminadas? Veo una política de envoltorio de regalo y de una realidad negra.

  • Argazkia Rafa Perez Beristain
    2023-09-12

    A que a los científicos que han venido no les han comentado que ayer publicaron un Decreto para crear 150 pescadores profesionales durante un mes para pescar los últimos alevines de una especie en peligro crítico de desaparición?
    Que no vayan de operar con convicciones científicas cuando lo suyo solo es defender los amigismos.
    Cuando van a desarrollar la red Natura 2000 marina que el resto de Europa ya ha desarrollado? Cuando planes de recuperación de especies prácticamente desaparecidas como el besugo, la palometa, la langosta, el abacando o la cigala? Cuando se cumplirá el decreto aprobado en tiempos del lendakari Ardanza que impedía el arte del cerco en aguas interiores y cuando se limitará el arrastre de litoral?
    Mutriku Natur Taldea

Iruzkinak itxita daude dokumentu honetan
Ekitaldiko kargudunak
(XII legealdia 2020 - 2024)