"Helduak Adi!" saioak Nerea Melgosari aurkezten dio bere jarduera eta beharrak adinekoen ahalduntzean
VG 2023 VII 14
Eusko Jaurlaritzako Berdintasun, Justizia eta Gizarte Politiketako Sailburu Nerea Melgosa "Helduak Adi!" elkartearen zuzendaritzarekin bildu da gaur goizean Lakuan. Elkarte horretako boluntarioek nahi gabeko bakardadean dauden adinekoei laguntzen diete. Arduradunek bere lanaren hainbat alderdi eta helburu azaldu dizkiote.
Topaketan, Nerea Melgosa´z gain, Lide Amilibia Sailburuordea eta Emilio Sola, Antonio Campos (Helduak Adiko presidentea), Xabier Garagorri, Elisabet Arrieta eta Miren Larrea izan dira. Helduak Adi! adineko pertsonen irabazi-asmorik gabeko elkartea da, eta haien garapen integralean laguntzen du, belaunaldien arteko kontzeptu batetik abiatuta, beste euskal elkarte batzuekin lankidetzan.
Erakundeak adineko pertsonen prestakuntza integraleko plan bat du, haien beharren azterketatik abiatuta. Normalean, Euskal Herriko Unibertsitatearen udako ikastaroetan urtero bilera bat antolatzen dute, eta bertan, hainbat adituren laguntzarekin, adinekoen arazoez eta hobekuntzarako proiekzioaz hausnartzen dute.
