Eusko Jaurlaritzak 100.000 euro bideratuko ditu ludopatiaren prebentziorako eta joko arduratsua sustatzeko kontzientziazio-programetara (Gobernu Bilera 2023-7-11)
- Laguntza hauen helburua da euskal herritarrek jokoaren arriskuen eta adikzioen berri izatea sustatzea
Gobernu Kontseiluak dirulaguntza-deialdi berria onartu du, Euskadiko irabazi asmorik gabeko erakundeei zuzenduta, Euskadin joko patologikoaren prebentzio unibertsalerako, sentsibilizaziorako eta informazioa zabaltzeko jarduerak garatzeko.
Ekimen hau Eusko Jaurlaritzak joko arduratsua, parametro osasungarrien barruan jokatzea, sustatzeko hartutako konpromisoaren baitan onartu da. Helburu horrekin, 100.000 euro bideratuko dira laguntzatan Euskadin joko arduratsua sustatzeko prebentzio- eta laguntza-programak eta kanpaina hezitzaileak bultzatzeko eta joko patologikoaren prebentzioan, adikzioak saihestean eta beste hainbat gaitan lan egiteko.
Laguntza hauen helburu nagusia herritarrek jakinaren gainean eta parametro osasungarrien barruan joka dezaten sustatzea da, bai eta herritarrei jokoarekiko adikziozko jokabideen arazoaren berri eta orientazioa ematea ere.
-
2023-07-13Makinen programak ahalik eta etekinik handienerako diseinatu ohi dira, eta ez dirua galtzeko. Gero, joko arduratsuari buruz esaten dena zalantzazko leku batean geratzen da. Gainera, adimen artifizialak erabiltzailearen portaera aztertu eta horri buruzko erabakiak har ditzake, behar bezalako gardentasunaren bidez patenteak daudenean.
-
2023-07-13
Se suelen diseñar los programas de las máquinas para el máximo beneficio no para perder dinero luego eso que se dice del juego responsable queda en un dudoso lugar, además la inteligencia artificial puede hasta estudiar el comportamiento de la persona usuaria y tomar decisiones al respecto cuando haya patentes por medio la transparencia debida quedara en un segundo lugar en prioridad a equilibrar de normativas.
