Zeinu hizkuntzaren eguna
Berriak Segurtasuna
qrcode

Erkorekak Ertzaintza zoriondu du Frantziako Tourrak Euskadin eman dituen egunetarako diseinatutako Segurtasunaren Gida Planaren arrakasta dela eta

2023-07-03
  • Lehen lehendakariorde eta Segurtasuneko sailburua Ertzaintzarekin izan da lasterketak Bidasoa zeharkatu duen unean, eta, hala, hirugarren etapa honetako azken minutuak bete ditu
  • Tourraren inguruko segurtasunaren jarraipen integrala egiteko eta trafikoa eta larrialdiak kudeatzeko antolatutako hiru mahaiak desaktibatu dira dagozkien erantzukizun-arloak arrakastaz bete ostean
  • Hiru egunez, mahai horiek aldi berean eta modu iraunkorrean bilduta eta lanean aritu dira, Erandioko eta Txurdinagako bi egoitza nagusietatik koordinatuta

16:30ean, Frantziako Tourreko Grand Départ Pays Basquen parte hartu duten txirrindulariek atzean utzi dute Irun, eta lasterketak aurrera egin du, lehiaketako hirugarren etapa Baionan amaitze aldera. Bidasoaren beste aldera igarotzearekin, Polizien Koordinaziorako Mahaiak —gaur arratsaldean Josu Erkoreka lehen lehendakariordea eta Segurtasuneko sailburua aholkularia buru duela— arrakasta handiz amaitu du Tourrak Euskadin eman dituen azken egun hauetan abian jarritako aurrekaririk gabeko segurtasun-operazioa. Izan ere, Josu Erkorekak une horretan Ertzaintzarekin batera joan nahi izan du, zorionak eta esker ona adierazteko, bai operatibo korapilatsua diseinatu duten agintariei, bai agenteei (egunean 1.500 baino gehiago), bai unitateei, baita operatiboa zeharka eta osotasunean ezarri dutenei ere.

Amaitutzat eman dira, halaber, Frantziako Tourraren jarraipenerako bilerak. Polizien Koordinaziorako Mahaiaren, Segurtasunaren Jarraipen Mahaiaren eta Trafikoa eta Larrialdiak Koordinatzeko Mahaiaren bilera horiei joan den larunbatean, uztailaren 1ean, ekin zitzaien Erandion eta Txurdinagan, Frantziako Tourraren hasierarekin batera.

Koordinazio-mahai horiek segurtasun-operatibo historikoa gainbegiratu dute, operatibo horretan segurtasun publikoan diharduten Euskal Autonomia Erkidegoko erakunde eta entitate guztiek parte hartu baitute: Ertzaintzak, Tourraren hiru etapetan zeharkatu diren udalerri guztietako udaltzaingoek, 112 SOS Deiak erakundeak, hiru hiriburuetako larrialdi eta su-itzaltze zerbitzuek, hiru foru-aldundiek, Osakidetzak, erakundeetako maila guztietako errepide- eta trafiko-kontroleko taldeek, eta abar.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak
Beste gonbidatu batzuk
  • Josu Bujanda (Ertzaintzaren burua)