qrcode

Boluntariotzaren Euskal Kontseiluak bere estrategiaren proiektuen egoera aztertu du

2023-06-21
  • Urte amaieran, boluntarioek Euskadin duten irismenari buruzko azterlan baten emaitzak ezagutuko dira.

Vitoria-Gasteiz 2023 06 21

Nerea Melgosa, Eusko Jaurlaritzako Berdintasun, Justizia eta Gizarte Politiketako Sailburua, Boluntariotzaren Euskal Kontseiluaren bileraren buru izan da gaur goizean Lakuan. Kontseiluaren osaera eta funtzionamendu-modua izan ditu hizpide, besteak beste. José Ángel Ramos´ek, Kontseiluko lehendakariordeak, Osoko Bilkuraren, Lantalde Iraunkorraren eta sei lan-batzordeen antolaketa zehaztu du.

Boluntariotzaren Euskal Kontseiluaren barruan, batzorde bat dago boluntariotzaren estrategia bultzatzen duen proiektu bakoitzeko, eta beste batzorde gehigarri bat ere badago, autonomia-erkidegoan, estatuan eta Europan boluntariotzari buruz dagoen araudia aztertzen duena.

Gaur goizean, DIDAKTIKAk, RE-COMPENSAk, KOMUNIKA 25ek, SKVLk eta BHERRIAk aurkeztutako boluntariotza-estrategian jasotako proiektu traktoreen egoera aztertu da. Proiektu horiek honako hauei egiten diete erreferentzia: haur, lehen eta bigarren hezkuntzako etapetara egokitutako estrategia pedagogikoa diseinatzea, ekintza boluntarioaren balioari buruz sentsibilizatzeko; boluntariotzako gaitasunak aitortzeko sistema bat lortzea; Kontseilurako komunikazio-estrategia bat definitzea; ekintza boluntarioa egiten duten pertsonei gaitasun teknikoak, orokorrak eta zeharkakoak emango dizkien gune bat sortzea; eta harreman eta lankidetza publiko-sozialeko modu irekiagoak sustatzea.

Gizalde Taldeak Kontseiluaren araudiarekin lotutako hainbat gai azaldu ditu, eta Melgosa Sailburuak esan du Autonomia Erkidegoan boluntariotzari buruzko azterlan bat egingo dela hurbilketa kuantitatibo batekin. Abenduaren 5´ean Boluntariotzaren Nazioarteko Eguna ospatuko da.

Boluntariotzaren Euskal Kontseiluan Eusko Jaurlaritzako eta haren Osasun, Ingurumen, Kultura, Segurtasun eta Hezkuntza Sailetako ordezkariek, hiru foru-aldundiek, Eudelek eta hamahiru erakundek osatzen dute: Miranda Fundazioa, Fevas-Plena inclusión Euskadi, Euskal Herriko eskautak. Bosko Taldea Federazioa, Bilboko Elizbarrutiko Caritas, Nagusilan, Teléfono de la esperanza, Euskadiko Gurutze Gorria, SECOT, Down Araba-Isabel Orbe, SOS Arrazakeria Gipuzkoa, DYA Gipuzkoa eta AFARABA.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak