Larrialdi batean, badakizu nori deitu?
Berriak Segurtasuna
qrcode

Josu Erkoreka: "Gaur bertan sindikatuei ostiralerako bilera deialdia bidali diegu, neurri zehatzen proposamen batekin batera"

2023-06-21

Lehen Lehendakariorde eta Segurtasuneko Sailburua, Josu Erkorekari elkarrizketa egin diote, gaur goizean, Bizkaia Irratiako “Goizeko izarretan” saioan. Bertan, Ertzaintzaren Negoziazio Mahaiaren deialdia iragarri du datorren ostiralerako, ekainaren 23rako. Mahai sektorialean ordezkaritza duten lau sindikatuak deitu dira, ErNE, Esan, Euspel eta Sipe, baldintza ekonomikoak eta lanekoak hobetzeko proposamena negoziatzeko. 

Josu Erkorekak jakinarazi du gaur bertan bidali zaiela sindikatuei ostiralean batzarra egiteko deia, neurri zehatzen proposamen batekin batera. Segurtasuneko sailburuak adierazi du 37 hobekuntza-neurri jasotzen dituen proposamena dela, “oso positiboak sektore askorentzat, eta Ertzaintzaren egoera eta lan baldintzak asko hobetuko dituztenak”. Ertzaintzaren hainbat unitateetan lanean daudenentzat onuragarriak izango dira neurriak: ikerketa kriminalaren arloan, genero indarkeriaren arloan, erreskateetako arloan, gaueko txandatan dabiltzanentzat, 55 urte baino gehiago dituzten ertzainentzat…18 milioi euroko kostua izango lukete proposamenean jasotzen diren neurri hauek. Erkorekaren arabera, errealismoan eta erantzukizun instituzionalean oinarrituko proposamena da. “Gure proposamena egin daitekeen onena da”, esan du.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak