2023-2024 ikasturterako Batxilergoan aurrematrikula egiteko epea irekitzear da
Izen emateak martxoaren 27tik apirilaren 21era egin ahal izango dira, online edo ikastetxeetan
Hezkuntza Sailak datorren astelehenean, martxoaren 27an irekiko du 2023-2024 ikasturterako Batxilergoan eskabideak aurkezteko epea, Euskadiko ikastetxe publiko nahiz itunpekoetan. Izena emateko bi bide izango dira, ohi bezala: ikastetxeetan bertan edo online, Hezkuntza Sailaren webgunearen bidez: www.euskadi.eus/hezkuntza.
2023-2024 ikasturtean Batxilergoa ikasteko aukera eskaintzen duten 200 ikastetxe publiko nahiz itunpeko baino gehiago izango dira Euskal Autonomia Erkidegoan, ondorengo lau modalitate hauetako bat ikasteko: Zientzia eta Teknologia Batxilergoa; Giza eta Gizarte Zientzietako Batxilergoa; Batxilergo Orokorra; edo Arteetako Batxilergoa. 2022-2023 ikasturte honetan 32.630 ikasle ari dira Batxilergoa ikasten Euskadin.
Kontuan hartu beharreko egutegia:
- Martxoaren 27tik apirilaren 21era: eskaerak eta dokumentazioa aurkeztea (biak barne)
- Maiatzak 10: onartuen eta ez onartuen behin-behineko zerrendak argitaratuko dira
- Maiatzaren 17ra arte: behin-behineko zerrendei erreklamazioak egiteko epea
- Maiatzak 24: onartuen eta ez onartuen behin betiko zerrendak argitaratzea
- Ekainaren 19tik uztailaren 4ra: matrikula egiteko epea
Batxilergoko onarpen eta matrikulazio prozesuaz informazio gehiago nahi izanez gero, jo Hezkuntza Sailaren webgunera.
