Larrialdi batean, badakizu nori deitu?
Berriak Osasuna
qrcode

Euskal txertoen 2023ko egutegi berriak bereziki indartzen du haurren babesa Euskadin

2023-03-16

Osasun Sailak B meningokokoaren aurkako txertoa finantzatzen du, gripearena 6 hilabete eta 5 urte bitarteko adingabeentzat zabaltzen du, polio dosi gehigarri bat gehitzen die 6 urterekin, eta lehen aldiz zabaltzen du papilomarena 12 urteko haurrentzat

2023an 65 urte betetzen dituzten pertsonek herpes zosterraren aurkako txertoa hartu ahal izango dute eta aldi berean arrisku-kolektiboen txertaketa-estrategia guztiak aktibo egongo dira

 

2023rako Euskadiko txertaketa-egutegiak babes-mailak handitzen ditu, batez ere haurren kasuan. Horretarako, Osasun Sailak eta Osakidetzak, Euskadiko Txertoen Aholku Batzordearen eta OMEren gomendioei jarraituz, immunizazio-pauta berriak sartu dituzte, eta iaz jasotakoei gehitu zaizkie, bai haurren txertaketa-egutegian, bai helduen egutegian.

Haurren txertaketaren esparruan, hauek dira aldaketa nagusiak:

 

  • B meningokokoaren aurkako txertaketa Osasun Sailak finantzatuko du, eta, beraz, egutegiko gainerako txertoak bezala, doakoa izango da 2023ko urtarrilaren 1etik aurrera jaiotako haurrentzat, 3 dosiko pautarekin, 2, 4 eta 12 hilabete dituztenentzat.
  • Gripearen aurkako txertoa, arriskuko haurrei ematen zitzaiena, orain 6 hilabete eta 5 urte bitarteko haur guztientzat izango da.
  • Poliomielitisaren aurkako 3. dosi bat egongo da aurten 6 urte betetzen dituzten haurrentzat, eta difteriaren, tetanosaren eta kukutxeztularen aurkako hirugarren dosiaren bertsio eraginkorrago bati gehituko zaio. Horrela, ziztada bakar batean inokulatuko dira 4 txertoak (tetrabalentzia).
  • Lehen aldiz sartu da giza papilomaren birusaren (GPB) aurkako txertoa 12 urteko haurrentzat, 2 dositan, bien artean 6 hilabeteko tartea utzita; 2023/2024 ikasturtean hasiko da, 2012an jaiotako kohorteari dagokionez. Orain arte, neskei bakarrik txertatzen zitzaien, umetoki-lepoko minbizia prebenitzeko, baina orain haurrei zabaltzeak gizonei ere eragiten dieten beste minbizi eta lesio genitalen eragina murrizten lagundu nahi du, eta, oro har, birusak komunitatean duen presentzia.

 

Helduaroan dauden pertsona osasuntsuen txertaketari dagokionez, berritasun nagusia da 2023an 65 urte betetzen dituzten pertsonentzako (1958an jaiotako pertsonen kohortea) herpes zosterraren aurkako txertaketa. Neurri horrek, gaixotasunari aurrea hartzeaz gain, hari lotutako arriskuak murrizten lagunduko du.

Jakina, eta haurren eta heldu osasuntsuen txertaketa-egutegiak alde batera utzita, Osasun Sailak eta Osakidetzak aktibo mantentzen dituzte estrategia guztiak arrisku handieneko kolektiboak txertatzeko, besteak beste adinekoentzat, immunodeprimituentzat edo haurdunentzat.

Txertaketa-egutegi berria ezarri ondoren, Osasun Sailak eta Osakidetzak ohiko prozedura hasi dute Osakidetzako profesionalei, zentro pribatuen sareari, osasun-elkargoei eta, oro har, herritarrei horren berri emateko.

 

 

 

 

 

 

 

Vitoria-Gasteiz, 2023ko martxoaren 16a

 

6 iruzkin
  • Argazkia Esti
    2023-04-14

    Ikusten bada txerto bat beharrezkoa dala umeentzat zergaitik bakarrik eskeintzen da urte batetik aurrera jaio direnei?
    Ez da diskriminazioa batzuei ordaintzea eta besteek bere boltsokotik ordaindu behar izatea?
    ez dot eskatzen emondako dosiak kubritzea baina, emoteko gelditzen direnak?

  • Argazkia SN Robot
    @MiguelHilargiak
    2023-03-20

    Comentario de Twitter:
    RT @osakidetzaEJGV: 💉 Euskal txertoen 2023ko egutegi berriak bereziki indartzen du haurren babesa Euskadin➕ https://t.co/XzbLOW0ejS https:/…

  • Argazkia SN Robot
    @OSIBGaldakaoESI
    2023-03-20

    Comentario de Twitter:
    RT @osakidetzaEJGV: 💉 Euskal txertoen 2023ko egutegi berriak bereziki indartzen du haurren babesa Euskadin➕ https://t.co/XzbLOW0ejS https:/…

  • Argazkia SN Robot
    @osakidetzaEJGV
    2023-03-16

    Comentario de Twitter:
    💉 Euskal txertoen 2023ko egutegi berriak bereziki indartzen du haurren babesa Euskadin➕ https://t.co/XzbLOW0ejS https://t.co/CTCnj0oW4o

  • Argazkia SN Robot
    @IbercampusES
    2023-03-16

    Comentario de Twitter:
    RT @osakidetzaEJGV: 💉 Euskal txertoen 2023ko egutegi berriak bereziki indartzen du haurren babesa Euskadin➕ https://t.co/XzbLOW0ejS https:/…

  • Argazkia SN Robot
    @OSIArabaESI
    2023-03-16

    Comentario de Twitter:
    RT @osakidetzaEJGV: 💉 Euskal txertoen 2023ko egutegi berriak bereziki indartzen du haurren babesa Euskadin➕ https://t.co/XzbLOW0ejS https:/…

Iruzkinak itxita daude dokumentu honetan
Ekitaldiko kargudunak
(XII legealdia 2020 - 2024)