Mikel Antonek CRPMren Buro Politikoan parte hartuko du

Mikel Anton Europako Gaietarako zuzendariak gaur Cartagenan (Murtzian) egingo den Itsas Eskualde Periferikoen Konferentziaren (CRPM) Buro Politikoan parte hartuko du, Euskadik duen Arku Atlantikoko Batzordearen lehendakaritzaren ordezkari gisa. Bileran sektore- eta estatutu-izaerako hainbat gai jorratuko dira.

Eusko Jaurlaritzako arduradunak Europar Batasuneko Espainiaren Lehendakaritzari buruzko panelean parte hartuko du – 2023ko bigarren seihilekorako aurreikusia –. Bertan, Makroeskualde Atlantikoaren konfigurazioa defendatuko du eta seihileko horretan burutzearen garrantzia azpimarratuko du.

Era berean, energia-trantsizioaren lurralde-dimentsioari, klima-larrialdiari eta hondamendi naturalei emandako erantzunari buruzko panelean ere parte hartuko du, eta EBren Elkartasun Funtsak aipatuko ditu gai horietarako.