Berriak Segurtasuna
qrcode

Ertzaintzak “Montxo” Doral, ETAk Irunen 1996an hil zuen agentea omendu du

2023-03-04
  • Ertzaintzaren Zuzendaritza eta Burutza sustatzen ari diren omenaldi-ekitaldien barruan omendu dute, 2022ko ekainean ezarri ondoren urtero banaka egingo ziotela aitorpen, oroimen eta omenaldi ekitaldia ETAk hildako ertzain bakoitzari
  • Banako omenaldi horiek Ertzaintzak ekaineko lehenengo igandean guztiak batera gogoratzeko antolatzen duen ekitaldi nagusia osatzen dute

Victoria Landa Ertzaintzaren zuzendariak eta Josu Bujanda Ertzaintzarekin buruak, Inteligentzia Bulego Nagusiko eta Gipuzkoako lurralde-bulegoko burutzekin, agenteekin eta “Montxo” Doralen lankideekin batera, omenaldi hunkigarria egin diote gaur, larunbata, atentatuan hil zutenetik 27 urte bete direnean. Oroimen-ekitaldia Ertzaintzaren Oiartzungo Zentralean egin da; barruan dagoen gune iraunkorrean “Montxo” omentzen duten irudiekin eta testuekin diseinatutako mural bat dago. Ekitaldian omenaldia Ertzaintzarekin batera antolatu duten senitarteko eta ahaideak ere izan dira.

Ramón Doral Trabadelo Ertzaintzako Informazioko ofizialordea 1996ko martxoaren 4an, 36 urte zituenean, hil zuen ETAk Irunen, bere autoaren azpian jarritako bonba itsatsi batekin. 

Konpromisoa Memoriarekin

Omenaldia Ertzaintzaren Zuzendaritza eta Burutza sustatzen ari diren hamabost omenaldietako bat da, 2022ko ekainaren 20an ezarri ondoren “Ertzaintzan zerbitzuan zauritutako edo hildako ertzainei aitormen, oroimen eta omenaldi ekitaldiak egiteko prozedura” arautzea.

ETAk hildako agenteei dagokienez, Ertzaintzaren aldetik ofizialki ezarri da urtero egingo direla era horretako ekitaldiak, beti biktimen familiak edo senideak kontuan izanda eta omenaldia egiteko moduari eta lekuari buruzko xehetasunei dagokienez haien desioak errespetatuz. Omenaldira joan ezin ziren agenteei Ertzaintzak proposatu die minutu bateko isilaldia egitea euren lanpostuetan. Banako omenaldi horiek Ertzaintzak ekaineko lehenengo igandean guztiak batera gogoratzeko antolatzen duen ekitaldi nagusia osatzen dute; egun horretan txapel gorrien eskaintza egiten da guztien izenak dituen monolitoan.

Arauketa berri honekin, ETAk hildako ertzain bakoitza banaka gogoratzeko eta ikusgai egiteko Eusko Jaurlaritzak hartutako konpromisoa betetzen da.

15 agente hil zituen ETAk

Ertzaintzako 15 agente hil zituen ETAk 1985etik 2001era bitartean:

  1. Carlos Díaz Arcocha (1985).
  2. Genaro García de Andoain Larrinaga (1986).
  3. Juan José Pacheco Cano (1988).
  4. Luis Hortelano García (1989).
  5. Alfonso Mentxaka Lejona (1991).
  6. Joseba Goikoetxea Asla (1993).
  7. José Luis González Villanueva (1995).
  8. Iñaki Mendiluze Etxeberria (1995).
  9. Ramón Doral Trabadelo (1996).
  10. José María Aguirre Larraona (1997).
  11. Jorge Díez Elorza (2000).
  12. Mikel Uribe Aurkia (2001).
  13. Iñaki Totorika Vega (2001).
  14. Javier Mijangos Martínez de Bujo (2001).
  15. Ana Isabel Arostegui Legarreta (2001).
2 iruzkin
  • 2023-03-04

    Mi más sincero pésame a toda su familia. Que descanse en paz Montxo

  • 2023-03-05

    Se utiliza la bandera de la Ertzaintza sin que esté junto a ella la de España, lo cual incumple la ley 39/1981 que regula el uso de banderas, artículo 5º: "Cuando los Ayuntamientos y Diputaciones o cualesquiera otras Corporaciones públicas utilicen sus propias banderas, lo harán junto a la bandera de España... "
    La Policía incumpliendo la ley, ver para no creer; además, en un acto que homenajea a u asesinado por ETA que, precisamente lo que quería/quiere es no ver la bandera de España en País vasco.

Iruzkinak itxita daude dokumentu honetan
Ekitaldiko kargudunak
(XII legealdia 2020 - 2024)
Beste gonbidatu batzuk
  • Josu Bujanda (Ertzaintzaren burua)