Berriak Etxebizitza, Herri Lan eta Garraioak
Eu

Jaurlaritzak alokairuko 24 etxebizitza zozkatuditu Santurtzin

2011.eko azaroak 29

Jaurlaritzak 24 etxebizitza sozial zozkata ditu gaur Santurtzin. Etxebizitza horiek alokairukoak izango dira, eta Eusko Jaurlaritzak berak sustatu ditu. 8 ostatu emateko ekintzetarako izango dira.

San Juan de Rompeolas auzoan kokatuta dauden etxebizitza horiek hiru, bi eta gela batekoak dira; sukaldean altzariak jarrita dituzte, eta garajea eta trastelekua ere badituzte.

Adjudikatzeko etxebizitza guztietatik, kupo hauek gorde dira:

  • Mugikortasun urritu iraunkorra duen pertsona desgaituarentzako etxebizitza egokitu bat. Kupo horretan sartuko dira gurpil-aulkia behar dutenak. Babes ofizialeko etxebizitzak adjudikatzeko prozedurei buruzko 2008ko apirilaren 16ko Aginduaren 8. artikuluak aipatutako gainerako baremoei dagozkien beste eskaerak dagokien kupoaren parte izatera pasatuko dira.
  • 7 etxebizitza, babes bereziko gizarte-egoeran dauden bizikidetza-unitateentzat, hala nola: euren kargura seme-alaba adingabeak dituzten guraso bakarreko familiak; genero-indarkeriaren biktima diren emakumeak; bananduak eta dibortziatuak; 70 urtetik gorako pertsonak; desgaitasun psikikoa dutela egiaztatu duten pertsonak.
  • 3 etxebizitza, 4 urteko antzinatasuna daukan eskabidea egin duten bizikidetza-unitateentzat. Antzinatasun hori honela zenbatzen da: Etxebiden izena emateko eskaera-datatik, Aginduaren argitaratze-datara arte.
  • 5 etxebizitza gainerako eskatzaileentzat.

Etxebizitza horietako bat eskuratu ahal izateko, 3.000 euroko edo hortik gorako eta 22.000 euroko edo hortik beherako urteko sarrera haztatuak egiaztatu behar dira 2009ko errenta-ekitaldiari dagokion zergaldian. Mugikortasun urritua daukaten pertsona desgaituen edo desgaitu psikikoen kasuan, ez da gutxieneko sarrerarik egiaztatu behar.

 

 

 

Oraindik ez dago iruzkinik
Iruzkinak itxita daude dokumentu honetan