Berriak Lehendakaritza
qrcode

Bi jardunaldi egin dira Mugikortasun elektrikoaren eta Ekonomia zirkularraren arloetan, Zeharkako Lankidetza Trakzio Proiektuak bultzatzeko

2023-02-06
  • Jardunaldiak Euskadi 2030 Zientzia, Teknologia eta Berrikuntza Planaren Zeharkako Trakzio Ekimenen barruan kokatu dira 

Zientzia, teknologia, enpresa eta administrazioko hainbat erakundetatik etorritako ia 100 pertsonak parte hartu dute Eusko Jaurlaritzako Lehendakaritzak antolatutako bi topaketetan, otsailaren 2an, Mugikortasun Elektrikoari buruz Europa Jauregian (Vitoria-Gasteiz) eta Ekonomia Zirkularrean, otsailaren 3an, Bizkaiko Parke Zientifiko-teknologikoan (Zamudio). 

Jardunaldien helburu nagusia izan da gaitasunak, lan-ildoak edo ideiak dituzten I+G+b-ko erakunde eta eragileen arteko topaketa erraztea, horien konbinazioa lagungarri izan litzatekelako Ikerketa eta Garapeneko Zeharkako Trakzio Proiektu Kolaboratiboak diseinatzeko Laguntza Programaren 2023ko deialdian eskabideak aurkezteko. 

Jardunaldien lehen zatian, Cristina Uriartek, Eusko Jaurlaritzako Zientzia, Teknologia eta Berrikuntzarako Komisionatuak, Zientzia, Teknologia eta Berrikuntzarako Euskadi 2030 Planaren esparruan kokatu ditu ekimen berri horiek. Gogorarazi du espezializazio adimentsuko RIS3 arloen arteko zeharkako kolaborazioa indartzera eta, ikerketa eta berrikuntzatik abiatuta, euskal gizartearen erronka handienetako bati aurre egitera bideratuta daudela. Amaitzeko, trakzio-proiektuak diseinatzeko laguntza-programa berriaren ezaugarri nagusiak aurkeztu ditu. Programa horren deialdia otsailaren 2an argitaratu da Euskal Herriko Agintaritzaren Aldizkarian.

Jardunaldien bigarren zatian, dinamika bat egin da lan-mahaietan, eta, horri esker, bertaratutakoek elkar ezagutu ahal izan dute, eta trakzio proiektu berriak aurkeztera eraman ditzaketen gaitasunak, lan-ildoak edo ideiak partekatu ahal izan dituzte. Lan-mahaietan lortutako emaitzak jardunaldiaren amaierako osoko bilkuran parte hartu duten pertsona guztiekin partekatu dira, ezagutza partekatzeko eta kolaborazio berriak identifikatzen laguntzeko.

Mugikortasun elektrikoari dagokionez, erronka orokorra honela definitzen da: mugikortasun jasangarrian oinarritutako eredu berri bat eta berotegi-efektuko gasen emisio baxuko garraio bat sustatzea, ibilgailu elektrikoari lotutako balio-katea bultzatuz, gaitasun industrialetan eta zientifiko-teknologikoetan oinarrituta. Ekonomia zirkularrean, erronka orokorra da Euskadiren trantsizioa bultzatzea, baliabideen erabilera eraginkorragoa izan dadin, ekoizpen- eta kontsumo-eredu berri baterantz bideratutako berrikuntzaren bidez.

2 iruzkin
  • Argazkia JAVIER MARTÍNEZ VADILLO
    2023-02-07

    Hori eguzki-ibilgailua dela esaten da, gero eta autonomia handiagoa lortuta. Ingurumenarekiko kontzientziazio-lan handia dago, keinu bakoitzak kontuan hartzen baitu xahutzearen lekurik gabeko gastu bakoitza aztertu behar delako, etekina ateraz.

  • Argazkia JAVIER MARTÍNEZ VADILLO
    2023-02-07

    Eso se dice de vehículo solar ganando cada vez más autonomía parece prometedor. Hay mucho trabajo de concienciación ambiental porque cada gesto cuenta hay que analizar cada gasto sin cabida del despilfarro sacando rendimiento.

Iruzkinak itxita daude dokumentu honetan
Ekitaldiko kargudunak