Berriak Lurralde Plangintza, Etxebizitza eta Garraioak
qrcode

Lasarte-Oriako TEK-a aurrera doa, autokontsumo energetikoko komunitate handi bat sortzeko proiektua, Basaundi auzoko hiri-berroneratze integrala barne hartuko duena

2023-01-17

Lasarte-Oriako TEKaren proiektua herritarrei aurkezteko, han izan dira astearte honetan José Ignacio Asensio, Gipuzkoako Foru Aldundiko Ingurumeneko eta Obra Hidraulikoetako foru diputatua; Agustín Valdivia, Lasarte-Oriako alkatea; eta Miguel de los Toyos, Eusko Jaurlaritzako Lurralde Plangintzako sailburuordea. 

Hiria berroneratzeko asmo handiko programa bat jasotzen du Lasarte-Oriako TEKak, besteak beste, bizitegi eraikinetako birgaitze, irisgarritasun eta energia efizientziako jarduketak harturik barnean. Basaundiren birgaitzeaz Eusko Jaurlaritzako Lurralde Plangintza, Etxebizitza eta Garraio Saila arduratuko da, 850.000 euroko inbertsio batekin. Iñaki Arriolak zuzendutako Sailak beste 850.000 euro inbertituko ditu udal lurzoruan instalazio bat eraikitzeko, 1.100 m2-ko eremu batean 266 eguzki plaka hartuko dituena eta 120 kW-ko potentzia emateko gaitasuna izango duena. Udalerriko etxe eta saltokien artean, 180 bat erabiltzaileri ekarriko die onura. Era berean, gehiegizko energia bildu eta biltegiratu ahal izateko bateria batzuk instalatuko dira, baliabide hori ahalik eta hobekien optimizatzeko.

Basaundi auzoaren proiektuaz aparte, Lasarte-Oriako TEKa martxan jartzeko 650.000 euroko inbertsioa gehituko du beste auzoetara iristeko, Udalak doan lagatako udal eraikinetako sei estalkitan herritarren autokontsumo partekaturako plaka fotovoltaikoen instalazioa tartean dela. Horietatik  384.667 euro Next Generation funtsei esker lortu dira Euskal Energiaren Erakundeak kudeatuta, eta gainerakoa Gipuzkoako Foru Aldundiko Ingurumen Departamentutik eta Lasarte-Oriako Udaletik dator.

Iruzkin bat
  • Argazkia Sorgin
    2023-01-18

    ¿Tampoco podrán entrar coches que no sean eléctricos? La farsa de la agenda 2030?

Iruzkinak itxita daude dokumentu honetan
Ekitaldiko kargudunak
(XII legealdia 2020 - 2024)
Beste gonbidatu batzuk
  • Lasarte-Oriako alkate Agustin Valdibia eta Jose Ignacio Asensio, Gipuzkoako Ingurumen diputatua