Hauteskundeak 2024
qrcode

Gobernu Kontseiluak Aiaraldeko LJE onartu du turismoaren arloan; milioi 1 euroko zuzkidura du (Gobernu Bilera 2022-12-20)

2022-12-20

Gobernu Kontseiluak 2022ko martxoaren 1ean onartu zuen Aiaraldeko berehalako Jarduketa Plana, Euskal Autonomia Erkidegoko Lehentasunezko Jarduketa Eremuetako bat gisa. Planean zehaztutako trakzio-proiektuen artean, Aiaraldeko LJEan ezarri beharreko “turismo-zerbitzuen eskaintza integratua garatzea” dago.

Ezohiko ekimen horren barruan kokatutako jarduketak Arabako Foru Aldundiarekin sinatutako hitzarmen baten bidez gauzatuko dira. Hitzarmen horren helburua da jarduketa integral bat sortzea baliabide turistikoei balioa emateko, baita Aiaraldeko turismo jasangarriaren eskaintza antolatzeko plan bat egitea ere, turismora bideratutako ekitaldi bereziak zehazteko.

Horretarako, 8 jarduketa desberdin egitea aurreikusten da:

1.- Turismo-sektorea sustatzea

2.- Txakolinaren ibilbidea

3.- Artisau-ibilbide gastronomikoa

4.- Museoen sarea

5.- Dorretxeen ibilbidea

6.- Kexaako monumentu-multzoko elementu publikoetan jarduketak

7.- Ekitaldi bereziak

8.- Eskualdearen marka turistikoa sortzea

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko