Eman odola!
Berriak Segurtasuna
qrcode

Eusko Jaurlaritzak 8.000 identifikazio-eskumuturreko baino gehiago banatuko dizkie boluntario-elkarteei

2022-12-17
  • Materiala Euskadiko babes zibileko 26 elkarte eta erakundeen artean banatuko da
  • Eskumuturrekoak haur asko dauden elkarretaratze handietan, ekitaldi ludikoetan eta jaietan banatzeko dira

Eusko Jaurlaritzak 8.750 identifikazio-eskumuturreko banatuko dizkie datozen egunotan Euskadiko babes zibileko 26 elkarteri, kolektiboari larrialdietarako materiala banatzeko 2020an hasitako kanpainarekin jarraituz. Oraingoan 112ren anagrama duten adingabeentzako identifikazio-eskumuturrekoak banatuko ditu, oso baliagarriak direnak haur asko egoten diren elkarretaratze eta ekitaldi handietan.

Horrekin, Euskadiko boluntario-elkarteek 2022an 22.000 bat identifikazio-eskumuturreko eta larrialdi-egoeretarako 50 segurtasun-kasko jasoko ditu. Funtzio anitzeko kasko horiek eranskailu islatzailez, lanpara-euskarriz eta betaurrekoz hornituak daude eta eremu irekietako suteetan eta hiri-eremuko, landa-eremuko eta mendiko erreskateetan erabiltzeko modukoak dira.

Boluntarioen elkarteak ezinbestekoak dira Larrialdiei Aurre Egiteko eta Babes Zibileko Euskal Sisteman, herritarrek babes zibileko lanetan parte-hartzea bideratzen baitute. Haien laguntza desinteresatuari, konpromisoari eta kualifikazio altuari esker, gure Erkidegoak segurtasun-maila handiagoa du.

Gaur egun 400 baino gehiago dira hiru lurralde historikoetako tokian tokiko elkarte eta erakundeetan dauden Euskadiko boluntarioak.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak