Bidaia Parisera: Lehendakaria Régions de France eta Occitanie-ko presidente Carole Delgarekin bildu da

Lehendakaria Carole Delga Régions de France eta Occitanie-ko presidentearekin bildu da, gaur goizean.  Parisera Iñigo Urkulluk egingo duen bidaia ofizialaren lehen topaketa da hori, Frantziako erakundeekiko lankidetza-eremuetan sakontzeko, 2023ko Tour-a  aurkezteko ekitaldian parte hartzeko eta euskal erakundeei Euskadiren Parisko Ordezkaritza berria aurkezteko. Bileran, Marian Elorza Kanpo Harremanetarako idazkari nagusia,  Mikel Anton, Europako Gaietarako zuzendaria eta, Arantza López de Munain, Euskadiren Frantziako ordezkaria ere izan dira.