Berriak Lehendakaritza

Biztanleriak Euskadiko egoera politiko eta ekonomikoa positiboki baloratzen jarraitzen du

2022-10-21
  • Eusko Jaurlaritzak argitara emandu azken soziometroa  herritarrek egungo egoerari, jarrerei eta balio politikoei buruz dituzten pertzepzioak ezagutzeko
  • Lan-merkatua eta arazo ekonomikoak dira oraindik ere biztanleriaren kezka nagusiak
  • Azterlanak, gainera, agerian uzten du euskal gizartearen bizi-tonua berreskuratzen ari dela

EAEko biztanleek positiboki baloratzen dute oraindik Euskadiko egoera politikoa ( % 66k uste du ona edo oso ona dela), bai eta egoera ekonomikoa ere, Eusko Jaurlaritzak argitaratutako azken Soziometroan inkestatutako pertsonen % 68k ontzat edo oso ontzat jotzen baitu. Iritziak urriaren 3tik 7ra bitartean jaso ziren, herritarrek egungo egoerari, jarrerei eta balio politikoei buruz dituzten pertzepzioak ezagutzeko.

Prospekzio Soziologikoen Kabinetearen azterlan berri honetako datuek erakusten dutenez, gizartearen lehen kezka lan-merkatuarekin lotutako arazoetan oinarritzen da oraindik ere ( % 52), baina otsailetik 13 puntu jaisten da. Aldiz, arazo ekonomikoek, bigarren posizioan, goranzko joerari eusten diote, eta otsaileko % 15etik egungo % 26ra igotzen dira.

Azterlanak, gainera, agerian uzten du euskal gizartearen bizi-tonua berreskuratzen ari dela. Hala, 10 pertsonatik ia 7k ( % 68) dio oso edo nahiko baikorra dela Euskadiren etorkizunari dagokionez, 2016an erregistratutakoaren oso antzekoa ( % 67).

Azkenik, eta zailtasun handiko testuinguru batean, Euskadiko zerbitzu publikoek balorazio positiboa lortzen jarraitzen dute, inkestatutako lau pertsonatik hiruk uste baitute zerbitzu horiek oso edo nahiko onak direla.

 Informazio gehiago

2 iruzkin
  • 2022-10-25

    Beste leku superpopulatu batzuetan esku har dezaketen bihurgune posibleak prestatzeak gai jakin batzuk eskasian eskuratzea tenkatzen du, eta, gero, simil moduko batean bezala, pandemian komuneko papera igarotzea, prezioa neurriz kanpo garestitzen baita, merkatuko nerbioen gehiegizko hornikuntzaren ondorioz.

  • 2022-10-25

    Prepararse posibles curvas con posible intervención otros lugares superpoblados tensionan adquisición ciertas materias a escasez y luego pase como en una especie de simil, el papel higiénico en la pandemia que el precio se dispara a demanda injustificada exceso aprovisionamiento nervios de mercado situación excepcional.

Iruzkinak itxita daude dokumentu honetan
Komunikabideek behera kargatzeko