Tabako Kerik Gabeko Euskadi
Berriak Segurtasuna
qrcode

Eusko Jaurlaritzak 155.000 euroko dirulaguntza emango dio Euskal DYA Federazioari Euskadin larrialdietako eta babes zibileko jarduerak finantzatzeko

2022-10-05
  • Erakundea Larrialdiei Aurre Egiteko eta Babes Zibileko Euskal Sistemara atxikitako boluntario-erakundeetako bat da
  • Euskal DYAk jarduera humanitario eta sozial askotan laguntzen die administrazio publikoei 1995etik

Eusko Jaurlaritzak, Lehen lehendakariorde eta Segurtasuneko sailburuaren aginduaren bidez, onartu du 155.000 euroko dirulaguntza ematea Larrialdiei Aurre Egiteko Euskal Sistemako partaide den Euskal DYA Federazioari, Euskadiko boluntario-erakundeetako bat izanik. Federazio honek SOS-DEIAK zerbitzuak egindako deiei erantzuten die, bere beharra dagoenean babes zibileko eta larrialdiei aurre egiteko operazioetan, bai esku-hartzearen eremuan bai eremu logistikoan eta psikosozialean, erreskateetan, mendian eta landa-eremuetan galduta dauden pertsonak bilatzen, biktima anitzeko gertaeretan, larrialdietako planen aktibazioetan, eta beste hainbat egoeratan.

Dirulaguntza bi aldeek aurtengo maiatzean larrialdien eta babes zibilaren arloan lankidetza antolatzeko sinatu zuten hitzarmenaren emaitza da, eta honako jarduera hauei lotuta dago: topaketak, jardunaldiak eta lan-taldeak antolatzea, erreskateko mobilizazioetan eta simulakroetan parte hartzea, prestakuntza ikastaroak eta jarduerak diseinatzea eta Federazioko kide diren elkarteei zuzendutako metodoak, erremintak eta programak garatzea.

Euskal DYAk eskarmentu handia du Euskadin larrialdi-egoeretan herritarrei laguntzen eta babes zibilaren arloko lanetan, eta Eusko Jaurlaritzarentzat balio handiko lankidetza-erakunde eraginkorra da, beraz. Ekitaldi honetarako jarduera-proiektu bat eta horren aurrekontua aurkeztu ditu. Bere estatutuen arabera, Federazioaren helburuak dira gizarte-ongizateko eta laguntza-zerbitzuetako ekintzak sustatzea eta horietan laguntzea; ezbeharrek, hondamen publikoek, gatazkek, gaixotasunek eta izurriteek eragindako kalteei aurrea hartzea eta erantzutea; eta osasunaren arloko esku-hartze programetan laguntzea.

Segurtasun Sailera atxikitako Larrialdiei Aurre Egiteko eta Meteorologiako Zuzendaritza arduratuko da dirulaguntza kudeatzeaz.

2 iruzkin
  • Argazkia ex D-0
    2022-10-06

    Es necesario consolidar el apoyo a DYA, toda ayuda es de agradecer, pero si pensamos en que con esta cantidad se ha de proveer todas y cada una de las delegaciones de las tres provincias pues se me antojo una ayuda realmente escasa. No se debe dejar en la precariedad una red importantísima de protección civil, crearla de cero costaría decenas de millones, carecería de voluntariado y hasta que se consolidará pasarían años. Apoyen con decisión a DYA, es la alternativa vasca a la protección civil española y a la UME.

  • Argazkia SN Robot
    @TribunaLibreES
    2022-10-06

    Comentario de Twitter:
    https://t.co/z2BRVHZesY

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak