Berriak Lehendakaritza

Tori et Tokita filmak Eusko Jaurlaritzaren Euskadi Basque Country 2030 Agenda saria jaso du

2022-09-23
(*) Azpititulazio-zerbitzu hau sortzen da probetako software bertsio batekiko automatizatutako eran. Barka itzazue akatsak.
  • Saria Zinemaldiaren esparruan eman zaie Jean-Pierre eta Luc Dardenne anaiei eta Joely Mbundu aktoreari
  • Lehendakariak ziurtatu du zinema gai dela munduaren eraldaketak hautemateko, islatzeko eta laguntzeko, eta, horrela, bultzatu egiten dituela 

Belgikako Tori et Tokita filmak Euskadi Basque Country 2030 Agenda saria jaso du gaur arratsaldean. Eusko Jaurlaritzak sustatu du sari hori, Zinemaldiaren programazio ofizialaren barruan jasangarritasunaren eta elkartasunaren balioak Nazio Batuen Garapen Jasangarrirako Helburuen ikur nagusi gisa hobekien islatzen dituen filma aitortzeko. Jonan Fernández Trantsizio Sozialaren eta 2030 Agendaren idazkari nagusiak eta José Luis Rebordinos Zinemaldiko zuzendariak eman diete saria Jean-Pierre eta Luc Dardenne anaiei eta Joely Mbundu aktoreari, gaur arratsaldean, Donostian, Iñigo Urkullu lehendakaria buru izan duen ekitaldian. 

Saritutako filma Perlak atalean hautatu zuten eta mutil eta neska nerabe baten adiskidetasun garaiezina jorratzen du, Afrikatik bakarrik iritsi ondoren Belgikan erbesteratzearen baldintza zailak gainditu behar dituztenena, Lehendakariak gogorarazi duen bezala. 

Haren iritziz, eztabaida irekia dago jarduera artistikoaren funtzioari buruz, munduak behar dituen eraldaketei dagokienez, eta puntu honetan ziurtatu du zinema gai dela munduaren eraldaketak hautemateko, islatzeko eta laguntzeko, eta, horrela, bultzatu egiten dituela. 

Puntu horretan, ziurtatu du munduak ez duela etorkizunik baldin eta jasangarritasuna eta elkartasuna ez badira jartzen gizarte-, ekonomia-, industria- edo energia-eremu guztietan, baita kultura-eremuetan ere, egin behar dugun guztiaren erdigunean. 

Esan duenez, aldaketa hori hasi dugu saria lortu duten bost filmek bide honetan laguntzen digute. 

Amaitzeko, adierazi du une honetan gaur egungo eta etorkizuneko gakoak direla mentalitatea, kontzientzia zibikoa eta solidarioa mundu eta bizitza iraunkor baterako, eta horiek direla Eusko Jaurlaritzak Zinemaldiaren esparruan partekatzen duen mezuaren edukiak. 

Saria

Trantsizio Sozialaren eta 2030 Agendaren Idazkaritza Nagusiak sustatutako Euskadi Basque Country 2030 Agenda sarirako, Zinemaldiaren 70. edizioko programazio ofizialeko bost film aukeratu zituzten: Great Yarmouth-Provisional Figures, Marco Martins-ek zuzendua eta Urrezko Kontxaren lehiaketakoa Atal Ofizialean; En los márgenes / On the Fringe, Juan Diego Bottorena, eta Tori et Tokita, Dardenne anaiena, biak Perlak atalean hautatuak; Ruido, Natalia Beristainena, munduko estreinaldia Horizontes Latinos atalean izango duena; eta Mi Vacío y yo, Adrián Silvestreren, Made in Spain sailean hautatutakoen artekoa.

 

Saria 20.000 €-koa da, eta film irabazlearen ekoizle nagusientzat da..

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak