Berriak Segurtasuna

Eusko Jaurlaritzak berriz ere HABEri eman dio 2022-2023 ikasturtean Ertzaintzako agenteak euskalduntzeko ardura (Gobernu Bilera 2022-9-20)

2022-09-20
  •  Akordioak 600.000 euro izango ditu, eta horri esker aurrera jarraitu ahal izango da errolda euskalduntzeko bidean, horixe izanik herritarrei zerbitzu hobea eman ahal izateko polizia-erakundea sendotzeko Segurtasun Sailaren lehentasunezko helburuetako bat 

Gobernu Kontseiluak gaur eman du 2022-2023 ikasturtean lan-orduz kanpo Ertzaintzako agenteei formakuntza emateko HABE - Helduen Alfabetatze eta Berreuskalduntzerako Erakundearekin ezarritako akordioa berritzeko oniritzia. 

HABEK aurrez aurreko ikastaroak nahiz nork bere kasa ikasteko modalitatekoak antolatuko ditu polizia-errolda euskalduntzeko, era horretara, gizartearekin harremanak euskaraz izateko eta, horren bidez, herritarrei zerbitzu hobea emateko Ertzaintzan gero eta handiagoa den eskaerari erantzun ahal izateko. 

Akordio honek 600.000 € izango ditu, eta euskaldundu nahi duten agenteen matrikulak eta tasak ordaintzeko izango dira. 

Elkarlanean 2017tik 

HABE erakundea eta Eusko Jaurlaritzako Segurtasun Saila 2017tik ari dira elkarlanean, urte horretan ezarri baitzen urtero berritzen joan den lehenengo hitzarmena. Luzatzeko aukera agortu denean, orain Kudeaketa Mandatu berri hau bideratuko da eta aurreko edizioetakoen helburu bera izango du.

Iruzkin bat
  • 2022-09-25

    ¿Pero ustedes defienden el NOM? E tonces que más da la Euskadi izacion, si al final seremos uno. Nuevo Orden Mundial. Un mandatario un mundo... Una dictadura... Una agenda 2030... ¿Que farsa es esta?

Iruzkinak itxita daude dokumentu honetan
Komunikabideek behera kargatzeko