Javier Hurtado sailburua: “Pasaia Itsas Festibalak funtsezko eginkizuna du Pasaia eta gure lurraldea proiektatzeko, nazioarteko turismoa suspertzen ari den une honetan”

2022-09-23

Turismo, Merkataritza eta Kontsumoko sailburu Javier Hurtadok 2022ko Pasaia Itsas Festibalaren balorazioan parte hartu du gaur, Pasaiako alkate Izaskun Gomezekin, Festibaleko zuzendari Xabier Agoterekin, Portuko Agintaritzako presidente Jokin Telleriarekin eta Gipuzkoako Aldundiko Kultura, Lankidetza, Gazteria eta Kirol Departamentuko diputatu Harkaitz Millanekin batera.

Sailburuak eskertu egin du hainbeste erakunderen laguntza eta lana, “erakundeen eta gure sektore eta elkarteen arteko lankidetzak proiektuak indartzeko orduan duen garrantziaren adibide gisa”.

Festibalaren funtsezko zeregina, lehenik eta behin, zera da: “hitzordu erregular bihurtu dela, gure turismo-estrategiaren parte izan behar duten egitura-proiektuetako bat den aldetik. Bigarrenik, Festibalarekin batera, kultura-ekitaldiak egin dira, baita Festibalaren aurretik egindako jarduerak ere, Pasaiarentzat eta lurraldearentzat inpaktua luzatzeko eta bisitariak erakartzeko gaitasuna handitzeko balio duten jarduerak. Eta, azkenik, Festibalak Pasaiako irudia erakartzeko eta proiektatzeko elementu gisa jarduten du”.

Sailburuak gogorarazi duenez, hain zuzen ere bultzatzaile-zeregin hori da Turismo, Merkataritza eta Kontsumo Sailak Itsas Festibala babesteko egindako apustua definitzen duena, “funtsezko gertaera baita gure lurraldea proiektatzeko, Pasaia eta bere eskualdea suspertzeko eta turismoa sustatzeko. Gainera, desestazionalizazio-estrategiarekin eta lurralde osoan turismo-fluxuak banatzeko gure asmoarekin bat egiten duen ekitaldia da. Eta, era berean, funtsezko eragina du gure nazioarteko proiekzioan”.

Ildo horretan, sailburuak gogorarazi du lehen 8 hilabete hauetan Euskal Autonomia Erkidegoa % 8,8 hazi dela turisten sarreretan 2019arekin alderatuta, eta % 8,6 nazioarteko turismoari erreparatuz gero. Eta, zehazki, Gipuzkoa da hazkunderik handiena izan duen lurraldea, % 7,6ko igoerarekin Covid pandemiaren aurreko urteekin alderatuta

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak