Berriak Segurtasuna

Larrialdietako Zerbitzuek basoko sute baten simulakroa egingo dute bihar ostirala Arabako Betolaza herrian

2022-06-23
  • Ariketa Eusko Jaurlaritzak koordinatuko du eta Arabako Foru Aldundia antolatuko du, eta era horretako gertaeretarako Larrialdiei Aurre Egiteko Euskal Sistemako taktika operatiboetako prozedurak testatzeko, aztertzeko eta behar diren hobekuntzak egiteko izango da

Larrialdietako Zerbitzuek basoko sute baten simulakroa egingo dute bihar ostirala Arabako Arratzua-Ubarrundia udalerriko Betolaza herrian, Eusko Jaurlaritzako Larrialdiei Aurre Egiteko Zuzendaritzak koordinatuta, eta bertan parte hartuko dute Arabako eta Gasteizko suhiltzaileek, Arabako Foru Aldundiko Mendiko Zerbitzuak eta Trantsizio Ekologiko eta Erronka Demografikorako Ministerioak.

Simulakroaren helburua izango da Larrialdiei Aurre Egiteko Euskal Sisteman basoko suteei dagokienez ezarrita dauden taktika operatiboetako informazioaren, komunikazioaren, esku-hartzearen eta koordinazioaren arloko prozedurak testatzea, aztertzea eta beharrezko hobekuntzak ezartzea.

Ariketan simulatuko da bide batetik gertu dagoen zereal-sail batean su hartu duen traktore batek eragindako sutea, eta Agoncilloko (Errioxa) baseko Nekazaritza, Arrantza eta Elikadura Ministerioaren aireko baliabideek ere parte hartuko dute.

Ariketa amaitzen denean, Larrialdietako Zerbitzuek debriefing bat egingo dute eremuan, atera dituzten ondorioak bateratu eta aireko baliabideek parte hartuko duten beste ariketa batzuetan egin daitezkeen hobekuntzak zehazteko.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak