Berriak Segurtasuna
qrcode

Sonia Díaz de Corcuerak motor-gidarientzako bide-formakuntzari buruzko ADEVIC elkartearen eta FETEVI fundazioaren jardunaldi teknikoetan parte hartu du

2022-06-01
  • Aurtengo urtean, orain arte, 7 motozale hil dira Euskadin trafiko-istripuetan
  • 2021ean 17 motozale hil ziren, hau da, errepidean hildakoen % 40 izan ziren

Sonia Díaz de Corcuera Eusko Jaurlaritzako Trafikoko zuzendariak ADEVIC – Katalunian Bide Segurtasuna Garatzeko Elkarteak eta FETEVI – Bide Hezkuntzako Teknikarien Estatuko Federazioak, motor-gidarientzat bide hezkuntza eta pedagogia sustatzera bideratuta, antolatu dituzten jardunaldi teknikoetan parte hartu du gaur.

Ekainaren 3ra arte Figueresen (Girona) egingo den ekitaldian trafikoaren eta bide-segurtasunaren arloko agintari nagusiak elkartu dira, besteak beste, motozikleten kalteberatasuna edo mugikortasun seguru, jasangarri eta konektatuan duen etorkizuna aztertzeko.

Díaz de Corcuerak, zehazki, kolektiboaren istripuei buruzko mahai-inguru batean parte hartu du, eta Euskadiko errepide-sareari buruzko datuak eta Eusko Jaurlaritzak talde zaurgarri hori babesteko abian jarri dituen sentsibilizazio-programak azaldu ditu. Aurtengo urtean, orain arte, 7 motozale hil dira Euskadin trafiko-istripuetan. Iaz 17 motozale hil ziren, hau da, errepidean hildakoen % 40 izan ziren. Errealitate horri aurre egiteko, Jaurlaritza Jar zaitez nire gurpiletan estrategia lantzen ari da, motozikletak erabiltzen dituzten pertsonen formakuntza teoriko eta praktikoari eta kontzientziazioari heltzen diona.   

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XII legealdia 2020 - 2024)