Berriak Segurtasuna

Euskal Poliziak gizartea sentsibilizatzeko kanpaina jarri du abian Euskadin gorroto-delituak sala daitezen

2022-05-29
  • Euskadik 279 gorroto-gertakari erregistratu zituen 2021ean, eta gehien-gehienak biktimaren sexu-orientazioagatik edo etniagatik egindako lesioak izan ziren

Eusko Jaurlaritzak eta EUDELek gizartea sentsibilizatzeko kanpaina bateratu bat jarri dute abian herritarrak Euskadin gertatzen diren gorroto-delituak salatzera bultzatzeko, delitu-mota horri aurre egiteko tresna nagusi gisa. Helburua delitu horiek azaleratzen jarraitzea, gizartean kontzientzia areagotzea eta delitu horiekiko eta delituak egiten dituztenekiko tolerantzia gutxitzea da.

Kanpainaren mezua argia eta zuzena da: “Gertatzen bazaizu…, etorri eta salatu!”, bai Ertzaintzan bai Euskadiko udaltzaingoetan, horien lana gorroto-delituen xede diren kolektiboak, kolektibo zaurgarriak, babestea eta horien segurtasuna bermatzea baita.

Eusko Jaurlaritzak eta UPV/EHUk egin duten Euskadiko Gorroto Gertakariei buruzko 2021eko Txostenaren arabera, Euskadik 279 delitu erregistratu zituen, gehien-gehienak lesio arrazistak edo xenofoboak (162 pertsonari egin zieten eraso, eta horietako 47 arabiarrak ziren). Biktima gehien izan dituen bigarren kolektiboa erasoa orientazio edo identitate sexualagatik jasan dutenena da (73 kasu), eta, gainera, kolektibo hau da aurreko urtearekin alderatuta igoerarik handiena izan duena: % 46ko hazkunde esponentziala. Kolektibo biktimizatuena, besteen gainetik, gizonezko homosexualena da, salaketa guztien ia % 70 pilatzen baititu (guztira, 51).

Arrazoi horrengatik, Ertzaintzaren eta Euskadiko udaltzaingoen kanpaina bateratuak bi kolektibo horiek aukeratu ditu sentsibilizazio-ekintza berri honen ardatz izateko.  

Arrazakeria, xenofobia eta LGTBIQfobia

Kanpaina grafiko bat izango da, eta marraztutako 18 pertsonaiaren bidez herritarren aniztasuna irudikatuko da eta dei bat egingo da etnia, jatorria edo sexu-nortasuna edo orientazioa dela eta jazarpen-egoeran dauden edo egon diren pertsonek Ertzaintzara eta Euskadiko udaltzaingoetara jo dezaten eta sala dezaten.

Kanpaina grafikoa kartel, banner eta giff animatuen bidez egingo da, eta Ertzaintzaren eta Udaltzaingoaren webguneetan eta sare sozialetan egongo da eskuragarri. Gainera, erakunde, entitate, elkarte eta interesdun guztien esku jarriko da jaitsi eta hedatzeko.

JAITSI KANPAINA HEMEN: xenofobia eta LGTBIQfobia

5 iruzkin
  • 2022-05-31

    Gorroto-delituak ez ezik, langileen aurkako delituak ere entzun ziren lanaldi luzeak egiten, egiazkotasuna ez zekitela, ordainsaririk gabe lan-esplotazioaren kasuan, adibidez, txiklea mugarik gabe luzatzen zela.

  • 2022-05-31

    no sólo delitos odio sino también contra las personas trabajadoras realizar jornadas muy prolongadas se llegó a oír desconociendo veracidad, sin remuneración en casos explotación laboral como que el chicle se estirara de manera indefinida.

  • @ErrekaldeEAJPNV
    2022-05-30

    Comentario de Twitter:
    RT @ertzaintzaEJGV: 🏳️‍🌈🏳️‍⚧️🖐🏽 Lanzamos una campaña de sensibilización social para denunciar los #DelitosDeOdio

    + https://t.co/LyMIjvFSUJ

  • @RaneaSandra
    2022-05-29

    Comentario de Twitter:
    RT @ertzaintzaEJGV: 🏳️‍🌈🏳️‍⚧️🖐🏽 Lanzamos una campaña de sensibilización social para denunciar los #DelitosDeOdio

    + https://t.co/LyMIjvFSUJ

  • @jerkoreka
    2022-05-29

    Comentario de Twitter:
    RT @ertzaintzaEJGV: 🏳️‍🌈🏳️‍⚧️🖐🏽 Lanzamos una campaña de sensibilización social para denunciar los #DelitosDeOdio

    + https://t.co/LyMIjvFSUJ

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak