Ermuko erdialdean saneamendua hobetzeko proiektua behin betiko onartu da

2022-05-24
  • Jarduketa Debabarreneko kolektoreekiko lotura eta  Ermua eta Mallabiko Saneamendu-proiektu Aldatua-ren  aurreikuspen eguneratuen barruan dago 
  • Egikaritze-aurrekontua 2.150.000 €-koa izango da, BEZa barne

Jendaurrean jartzeko izapidea ebatzi ondoren, behin betiko onartu da Ermuko udalerriko saneamendua eraikitzeko proiektua: zubiaurreko kolektorea, erdialdea eta Gipuzkoa etorbidea. Proiektua gauzatzeko aurrekontua 2.150.000 eurokoa da, BEZa barne.

Proiektu horrek aurreikusten du Zubiaurreko kolektore berri bat eraikitzea Ermuan (Zubiaurre eta Gipuzkoa hiribidearen artean), Zubiaurretik gorako kolektoreak Gipuzkoa etorbideko ibai-estalduraren barruan eraikiko den kolektore berriarekin lotzeko: gaur egun Ego ibaira zuzenean isurtzen diren hondakin-urak biltzeko.

Zubiaurre Zentroko kolektoreak, ingurune hurbileko isurketak jasotzeaz gain, etorkizunean Mallabiko industrialdeetatik datozen isuriak biltzeko aukera emango du. Horretarako, URAk Goitondo Ermua kolektorea eraikitzeari ekin beharko dio. Kolektore hori beste eraikuntza-proiektu baten xede izango da.

Ermuko udal-saneamenduaren hobekuntza horiek Debabarreneko kolektoreekiko lotura eta  Ermua eta Mallabiko Saneamendu-proiektu Aldatua aurreikusitakoaren barruan sartzen dira. Proiektu horren jarduketak hainbat fasetan egin dira.

Proiektu horretan jasotako obrak, oro har, Ermuko eta Mallabiko hondakin-urak Goitondo industrialdetik eta Mallabiko herritik garraiatzeko kolektoreak eraikitzea ziren, bi udalerrietako isurketa guztiak bildu eta kolektore-sare berri baten bidez Elgoibarko udalerrian dagoen Apraizko HUAraino eramateko.

 

 

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak