Kontu ekonomikoen aurrerapenak euskal BPGren eta enpleguaren hazkundea aurreratu du, hipoteken kopuruak gorantz jarraitzen duen bitartean, Astekonomiak gaur jaso duenez

2022-04-29

Eustaten kontu ekonomikoen aurrerapenak egonkortasun-irudia ematen du EAEko hazkundean, bai BPGari dagokionez, bai enplegu-sorrerari dagokionez. Bestalde,  etxebizitzen erosketak gorantz jarraitzen du, Astekonomia adierazle ekonomiko garrantzitsuenen asteko laburpenak gaur jasotzen duenez.

Eustaten kontu ekonomikoen aurrerapenaren arabera, EAEko BPGaren urte arteko hazkundea % 5,7 izan zen lehen hiruhilekoan. Aurreko hiruhilekoaren aldean, hazkundea % 1,0 izan zen, hau da, aurreko bi aldietako tasaren antzekoa, hazkunde erritmoan egonkortasun-irudia erakusten duena.

Bestalde, kontu ekonomikoek adierazten dute enplegua, lanaldi osoko lanpostu baliokidetan neurtuta, %5,0 hazi zela 2022ko lehen hiruhilekoan. Urte arteko aldakuntza-tasa horrek 46.300 lanpostu inguruko igoera ekarri du, 2021eko aldi berean behar izan zirenekin alderatuta.

Azkenik, Astekonomiak otsailean sinatutako hipotekei erreparatzen die. Hilabete horretan, sinatutako etxebizitzen hipoteka kopurua iazkoa baino % 17,3 handiagoa izan zen. Guztira, 1.937 hipoteka egin ziren, azken hamar urteetako kopururik handiena, baina urrun dago 2012aren aurreko urteetan erregistratutako kopuruetatik, baita finantza krisia hasi ondoren ere.

Ekonomia Zuzendaritzak “Astekonomia” izenarekin egindako asteroko laburpen hau minutu bateko iraupena duten bideo hauen oinarria da, gaurkotasun ekonomikoaren hedapena eta jarraipena errazteko.

2 iruzkin
  • 2022-05-03

    Ikusi behar da iraganeko diru merkearen beroak sor ditzakeen arrisku-burbuilak ez ote diren lehertu inflazio-igoeretan eta gerraren eta pandemien balizko hedapenetan.

  • 2022-05-03

    Hace falta ver si las posibles burbujas de riesgo al calor del dinero barato pasado no reventasen a aumentos de inflación y posible propagación de la guerra y pandemias por llegar.

Iruzkinak itxita daude dokumentu honetan