URAk Lagrango hondakin-uren araztegi berriko obrak lizitatu ditu

2022-04-21
  • Araztegiaren lizitazioaren oinarrizko aurrekontua 578.090,42 €-koa da, eta gauzatzeko aurreikusitako epea 6,5 hilabetekoa
  • Aurreko astean, hondakin-urak eta euri-urak bereizteko sare bat eraikitzeko lizitazioa egin zen, 1,3 milioi euroko lizitazio-aurrekontuarekin eta 8 hilabeteko gauzatze-epearekin

URA-Uraren Euskal Agentziak, Eusko Jaurlaritzaren erakunde publikoak, Lagrango hondakin-uren araztegi berriaren obrak lizitatu berri ditu: joan den astean, Lagrango saneamendu-sarea handitzeko eta hobetzeko obrak lizitatu ondoren (hondakin-urak eta euri-urak bildu eta bereizteko). Jarduketa guztiek lizitaziorako oinarrizko aurrekontua 1.9 M €-koa dute, eta 8 hilabeteko epean amaituta egon beharko dute.

Bi jarduerak koordinatuta egin behar dira; izan ere, araztegiaren diseinuko populazioa kalkulatzeko, HUA berria gauzatu aurretik, herriko sareak bereiziko direla pentsatu da, eta, beraz, HUAra iritsiko diren emariak hondakin-urenak baino ez dira izango.
Lagranek hondakin-urak eta euri-urak biltzeko bereizpen-sistema duten eremu batzuk baditu ere, saneamendu-sistema kolektore unitarioetan oinarritzen da, eta putzu septiko batetik isurtzen da; putzu septiko hori erabat trabatuta dagoenez, herri osoko ur zikinak, zati handi batean, zuzenean isurtzen dira Ega ibaiaren ibilgura. Bi jarduketen lizitazioarekin, bi eremu bereizitan jardungo da egoera horri buelta emateko.

Hondakin-uren kolektorea eta euri-uren bilketa

Alde batetik, Lagrango etxeko hondakin-ur guztiak bilduko dituen hondakin-uren kolektore biltzaile bat eraikitzeari ekin behar zaio. Kolektorearen ibilbidea Pipaon A-3130erako errepidetik gertu hasten da, Lagrango herrigunetik mendebaldera; San Bartolome errekaren eskuinaldetik igarotzen da, eta, ondoren, Ega ibaitik, eta hirigunea iparraldetik inguratzen du. Kolektorea herriaren ekialdean amaitzen da, eta han konektatuko da etorkizuneko araztegi berrira.

Bestalde, euri-urak biltzeko kolektore-sare bat eraikiko da herrigunearen barruko kaleetan, hondakin-urak eta euri-urak biltzeko sistema bereizgarri bat lortzeko eta, horrela, eraiki beharreko HUA-ren funtzionamendua eraginkorragoa egiteko.
Sare horri esker, hondakin-uren kolektoreetan euri-urak isurtzea edo sartzea saihestuko da. Hau da, helburua da ur garbi horiek biltzea, garraiatzea eta ibilgu naturalera isurtzea, etxeko hondakin-uretatik aparte. Ur-moten bereizketa horri esker, etorkizuneko HUAren —gaur egungo fosa septikoa ordezkatuko duena— arazte-prozesuen eraginkortasuna eta efizientzia handituko du.

Hondakin-uren kolektorea eta euri-uren bilketa

Lagrango hondakin-urak tratatzeko hartutako irtenbidea sistema natural baten erabilerak baldintzatu du, arazketa-prozesuan energia elektrikoaren beharrik gabe.

Premisa horrekin, lezka-iragazkiz osatutako sistema bat proposatu da, tratamendu-errendimendu handiak, paisaia-integrazioa, ustiapen sinplea eta gastu txikiak lortzeko diseinatua.

Iragazki horiek aukera ematen dute kutsadura organiko karbonatua degradatzeko, materia esekiak atxikitzeko eta nitrogenoak eragindako kutsaduraren zati bat tratatzeko; bai eta gai esekien atxikipena doitzeko eta nitrogenoak eragindako kutsadura ezabatzeko ere.

Proiektatutako HUA berriaren eremuaren azalera 2.271,88 m²-koa da, eta horietatik 1.362 m² arazte-tratamenduaren faseei dagozkie.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak