HDEK-K Aldeko Txostena eman dio Euskal Autonomia Erkidegoko Inbertsio Estrategikoen Plana (22-24) eta hura finantzatzeko formula gauzatzeko erakundeen arteko akordioari

2022-04-01

Herri Dirubideen Euskal Kontseiluak aldeko txostena eman dio gaur joan den asteazkenean Iñigo Urkullu lehendakariak eta hiru ahaldun nagusiek aurkeztutako 2022-2024 aldirako EAEko Inbertsio Estrategikoen Plana gauzatzeko Erakundeen arteko Akordioari, baita plan horretan jasotako finantzaketa-formulari ere. Ildo horretatik, Eusko Jaurlaritzak eta foru-aldundiek konpromisoa hartu dute bakoitzak bere eskumenen esparruan aurreikusita dauden proiektu estrategikoak egiteko, 528,8 M €-ko zenbatekoaz.

2022-2024 aldirako EAEko Inbertsio Estrategikoen Planak erakundeen arteko lankidetzaren eta inbertsio publikoaren aldeko apustua egiten du, suspertzeko, eraldatzeko eta erresilientziarako palanka gisa.

Inbertsio horiek Euskadi Next 2021-2026 Programan jasota daude. Programa hori mugarria izan zen Covid ondoko aroan hazkunde ekonomikoaren oinarriak ezartzeko erantzun kolektibo baten diseinuan, epe ertainean egiturazko eraldaketa-prozesu bat bultzatzeko eta epe luzera garapen jasangarriago eta erresilienteago bat lortzeko hiru alderdi hauetan: ekonomiko-finantzarioa, soziala eta ingurumenekoa.

Otsailaren erdialdetik, Errusiak Ukraina inbaditu izanaren ondorioz, gero eta ziurgabetasun handiagoko agertokia dago, eta premiazkoa da Euskadi Nexten jasotako inbertsio eraldatzaile batzuk bizkorrago egikaritzea; oso bereziki, euskal ekonomiaren eraldaketa energetiko-ekologikoa azkartzea ahalbidetuko duten inbertsioen kasuan.

 

Planak finantza-zuzkidura hau izango du:

 

2022

2023

2024

GUZTIRA

Eusko Jaurlaritza/ Gobierno Vasco

49,07

214,86

168.87

432,80

Foru Aldundiak / Diputaciones Forales

44,20

51,20

0,60

96,00

Araba / Álava

7,00

9,00

-

16,00

Bizkaia

23,00

25,00

-

48,00

Gipuzkoa

14,20

17,20

0,60

32,00

 

93,27

266,06

169,47

528,80

 

 Eusko Jaurlaritzak behar diren zuzkidurak egingo ditu Euskal Autonomia Erkidegoko 2022ko, 2023ko eta 2024ko ekitaldietarako Aurrekontu Orokorren kontura, urte bakoitzerako aurreikusitako zenbatekoen arabera, eta foru-aldundi bakoitzari transferituko dizkio esleitutako kopuruak.

 

 

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
Beste gonbidatu batzuk
  • Ramiro González; Itziar Gonzalo de Zuazo: Unai Rementeria; José María Iruarrizaga; Markel Olano; Jokin Perona; Gorka Urtaran; Ángela Eguia; Nagore Alkorta