Mugikortasun Jasangarriaren Lege-proiektua onartzea (Gobernu Bilera 2022-3-29)

2022-03-29

Lurralde Plangintza, Etxebizitza eta Garraioetako sailburuak proposatuta, Gobernu Kontseiluak Mugikortasun Jasangarriaren Lege-proiektua onartu du gaur. Proiektua Legebiltzarrera bidaliko du bertan eztabaida dadin, Euskal Autonomia Erkidegoan mugikortasun jasangarria sustatzeko esparru bat sortzeko. Lege-proiektuaren xedea da mugikortasun aktiboa (oinez edo bizikletaz) sustatzea, garraio publikoa bultzatzea ibilgailu pribatuaren aurrean, garraio-titulu publikoen elkarreragingarritasuna sistema integratu intermodal batean, trena sustatzea eta mugikortasun jasangarria bultzatzea erkidego-, foru- eta udal-plangintzaren esparrutik. 

Lege-proiektuak jasotzen ditu herritarren eskubideak eta betebeharrak, mugikortasun-planak egiten haiek parte hartzea edo udalerrien hirigintza-jarduketek mugikortasun jasangarrian duten eragina udalerri horiek kontuan hartzeko betebeharra. Helburua da karbono-aztarna murriztea, eta pertsonek garraio publikoa erabiltzea lehenetsiko duen garraio-sistema intermodal baterantz aurrera egitea.  Neurrien artean, honako hau jasotzen da: bi urteko epea ezartzea dauden garraio-tituluak erabat elkarreragingarriak izan daitezen Euskal Autonomia Erkidegoko garraiobide guztietan. 

Proiektuak garraioaren fiskalitateari ere heltzen dio, eta foru-aldundiei eta udalei aukera ematen die tresna hori eta politika ekonomikoko beste tresna batzuk erabiltzeko, mugikortasun jasangarriari laguntzeko asmoz. Zehazki, mugikortasun jasangarriaren aurka doazen jarduerak sustatzen ez dituzten zerga- eta finantza-neurriak ezartzeko aukera jasotzen du artikulatuak, hala nola tasak, kanonak edo kargak, zergak eta murrizketak. Aldi berean, ingurumenari kalterik egiten ez dioten garraio-moduetarako hobariei edo salbuespenei ateak zabaltzen dizkie. 

Mugikortasun aktiboaren kontzeptua eta oinezko eta bizikletazko joan-etorrien sustapena praktikan jartzeko, zerbitzu publikoetako eraikinek eta geltokiek bizikletentzako aparkalekuak izan behar dituzte, eta bizitegi-eraikin berriek garraiobide horretarako espazioak izan behar dituzte nahitaez. 

Era berean, testuak planteatzen du autonomia- eta probintzia-mailan mugikortasun jasangarriko planak sortu behar direla, 10 urteko indarraldiarekin. 5.000 biztanletik gorako udalerriek ere dokumentu horiek izan beharko dituzte —Aldundiek 5.000 eta 20.000 biztanle arteko udalekin lankidetzan jardungo dute dokumentu horiek idaztean—. Proiektuak lantokietako mugikortasun-planak barne hartzen ditu.

 

3 iruzkin
  • 2022-03-30

    Hirian ikusi dut gaizki aparkatzen bide publikoan, ogia erostera jaisteko. Kea botatzeaz gain, trafikoa oztopatzen du, airera txanpon bat botatzen duen bitartean; izan ere, ez dute zehapenik jarriko, baldin eta pertsona berrerorlea ez bada bere sisteman, ordaintzeari uzten dio eta ibilgailua erabiltzen jarraitzen du, enbargoak auskalo norengandik ibilgailura iristen ez badira bezala.

  • 2022-03-30

    He llegado a ver en la ciudad aparcar mal invadiendo vía pública para bajarse a comprar el pan. Además de echar humos entorpece el tráfico mientras echa una moneda al aire de que no sancionarán si no fuese una persona multireincidente por su sistema deja de pagar y sigue usando el vehículo como que los embargos no terminaran de llegar vehículo de quién sabe quién.

  • @v_en_c
    2022-03-29

    Comentario de Twitter:
    Aprobado el Proyecto de Ley de Movilidad Sostenible https://t.co/KBKWfHrYJs

Iruzkinak itxita daude dokumentu honetan
Komunikabideek behera kargatzeko