Industriak eta eskualdeek Europako garapenean duten garrantzia nabarmendu du lehendakariak

Lopezek Europako txostena «aho batez» onartu izana azpimarratu du

Patxi Lopez lehendakaria Mercedes Bresso Eskualdeetako Batzordeko presidentearekin azaldu da hedabideen aurrean, Europako Industria Politikari buruzko Txostena aurkeztu aurretik. Agerraldian, industriak «Europako proiektuaren» garapenean duen garrantziaz eta «EBren garapenean ere eskualdeek jokatu behar duten ezinbesteko paperaz» mintzatu da behin eta berriro Lopez.