Lehendakariordeak ekonomia sozialarekin kontrastatu ditu Ukrainako gerrak sortutako krisiari eman ahal zaizkion erantzunak

2022-03-23
  •  Lan eta Enplegu Sailak enpresei jakinarazi die aztertu egiten dituela ERTEak baliatzeko aukerak

Idoia Mendia Lehendakariordeak euskal gizarte-ekonomiako familiekin kontrastatu ditu Errusiak Ukrainaren inbasioarekin eragindako krisiaren eraginari erakunde-maila guztietatik eman dakizkiokeen erantzunak, euskal produkzio-sarearen zutabe horretan sortzen ari dena, enplegu osoaren % 10 eta industria-sektorean % 13 baita. Bilera jardunaldi batean egin da, eta harreman ugari izan dira enpresa-erakundeekin, aldi baterako enplegu-erregulazioko espedienteei heltzeko aukera desberdinak aztertzeko.

Lehendakariordeak deitu du bilera, eta bertan izan dira, Sailaren aldetik, Elena Pérez Barredo Lan eta Gizarte Segurantza sailburuordea, Alfonso Gurpegui Enplegu eta Gizarteratze sailburuordea eta Jokin Díaz Arsuaga Gizarte Ekonomiako zuzendaria. Konfekoppen ordezkaritza bat izan da, Rosa Lavin presidentea eta Iñaki Nubla zuzendari nagusia buru zituela. ASLEren izenean, Jone Nolte zuzendari kudeatzailea. Gizarteratze-enpresetatik Marijose Rodrigo eta Joana Revilla Gizatea elkarteko lehendakaria eta koordinatzailea. Eta enplegu-zentro berezietatik, Asier Vitoria EHLABEko presidentea.

Bilera joan den astelehenean Espainiako Gobernuak deitutako Konferentzia Sektorialean Mendiak beren-beregi eskatu zuen egungo egoerari erantzuteko plan nazionalak gizarte-ekonomiaren ikuspegi zehatza txerta zezala, eta berariaz Euskadiko kooperatibena, lan-sozietateena, laneratze-enpresena eta enplegu-zentro bereziena, enpresa mota horrek gainerako herrialdeetan izan ditzakeen berezitasunekin.

Zehazki, Errusiari eta Bielorrusiari ezarritako zehapen ekonomikoen zuzeneko eraginaren egoera aztertu da, baita Ukrainarekiko harreman ekonomikoak etetearena ere, eta gatazka baino lehenagoko merkataritza-konpromisoengatik dakarren eragina. Baita garraiolarien mobilizazioek izaten ari diren inpaktu larria eta komunikabideak blokeatzea ere, ekoizpenarekin jarraitzeko behar diren hornidurak izateko. Eta, horrekin batera, familia horiek gizarte-ekonomiatik dituzten mekanismoak, jarduera geldiarazi behar izanez gero, langileei eta, hala badagokio, enpresako bazkideei finantza-laguntza eman ahal izateko.

Enpresa-erakunde guztiekiko harremanak

Bilera Sailak harreman estuak izan ditu enpresa-erakundeekin, gaur egungo egoera ezagutzeko eta dauden aldi baterako lan-erregulazioen modalitateak baliatzeko egon daitezkeen aukerak alderatzeko. Lehendakariordeak joan den asteleheneko Konferentzia Sektorialean Lan ministroari eskatu zion bezala, beharrezkoa da RED mekanismoa garatzea, eta bitartean enplegua, langileen enpresen interesak eta enpresen bideragarritasunaren bermea hobekien defendatuko dituzten irteerak antolatzea.

Saila prest gaude eska daitezkeen aldi baterako lan-erregulazioak kudeatzeko, eta enpresentzako eta langileentzako irtenbiderik onena aztertzen ari gara. Baina gizarte-ekonomiaren egoera berezia ezagutu nahi dugu. Konpromisoa hartzen dugu kezka horiek Eusko Jaurlaritzari eta Espainiako Gobernuari helarazteko, bai eta foru-aldundiei ere, adosten diren planek hasieratik jaso ditzaten gizarte-ekonomiaren beharrak. Pandemiaren krisiak erresistentziarako eta barne-elkartasunerako gaitasuna erakutsi zuen, eta gure Sailaren berariazko babesa izan zuen. Baina aitortuta daukagu funtsezko izaera euskal produkzio-sarean, eta halakotzat hartzea nahi dugu erantzun-neurrietan», adierazi du Lehendakariordeak.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak