Zeinu hizkuntzaren eguna
Berriak Segurtasuna
qrcode

Ertzaintzak aurrera jarraitzen du integrazioan eta berdintasunean, adimen-desgaitasuna eta gaixotasun mentala duten pertsonei arreta emateko

2022-03-20

Hainbat erakunderekin lankidetzan, ertzainek jarraibide batzuk dituzte dibertsitate funtzionalen bat duten pertsonekin polizia-jarduketak egin behar dituztenerako

Ertzaintzak aurrera jarraitzen du egungo gizartean integratutako polizia gisa eman behar duen berdintasunezko tratuan, eta laneko jarraibideak gaitasun ezberdinak (autismoa, Downen sindromea) dituzten edo gaixotasun mental bat duten pertsonen kolektiboetara moldatzen ditu.

Ertzainek jakin behar dute nola lan egin behar duten kolektibo ezberdinetako pertsonekin, eta nola entzun behar dieten eta nola lasaitu eta artatu behar dituzten. Alde horretatik, herritarrei arreta hobea emateko etengabeko ahaleginean, Ertzaintzako profesionalei zuzendutako jarraibide batzuk landu eta agiri batean jaso dira. Modu horretara, agenteek desgaitasun bat edo gaixotasun mental bat duten pertsonen edo kolektiboen ezaugarriak eta behar bereziak zein diren jakin dezakete, horiek kontuan izateko eta pertsona horiekin elkar eragiten dutenean nola erantzun jakiteko.

Ertzaintzak, DOWN ARABA ISABEL ORBE, APNABI Autismo Bizkaia eta ASAFES (Buruko Gaixotasuna duten Pertsonen eta Senideen Arabako Elkartea) elkarteekin eta ERAGINTZA Fundazioarekin lankidetzan, agenteentzako liburuxka bat prestatu du, kolektibo ezberdinetako pertsonekin elkar eragin behar dutenerako jakintza espezifikoak izan ditzaten.

Agiriaren helburua desgaitasun intelektualen bat eta buruko gaixotasunen bat duten pertsonen ezaugarriak ezagutzeko tresna izatea da, eta autismoaren espektroko nahasmenduak (AEN), Downen sindromea edo gaixotasun mentalak dituzten pertsonei ahalik eta arretarik onena eman ahal izateko jarraibide egokiak azaltzen ditu.

Ertzaintzak lapurreta edo ebasketa, sexu-abusua, genero indarkeria/etxeko indarkeria edo beste edozein egoera jasan dutelako biktima izan litezkeen edo polizia-jarduketa ezberdinetan inplikatuta egon litezkeen kolektibo horietara egokitu nahi du eta horien arreta hobetu nahi du.

Gaixotasun mental bat duten pertsonen polizia-tratamenduak ere berebiziko garrantzia du, eta lanerako jarraibideek gako eta gomendio batzuk ematen dituzte pertsona horiek inplikatuta dauden krisi edo gertaera bakoitzean nola jokatu jakiteko.

Iruzkin bat
  • Argazkia Isaías Ledesma Plaza
    2024-04-13

    Una iniciativa muy admirable la de tomar conciencia y sensibilización hacia este tipo de colectivos de discapacitados, cambiando el tipo de comportamiento más anterior de los policías ante este tipo de personas el cual denota más incomprensión, dureza, menos paciencia y más evitación hacia estas personas por mostrar cierta mayor desconfianza por no comportarse más a la altura de los estándares que hay en la sociedad dominada por los neurotípicos. Hay que comprender que los discapacitados intelectuales y enfermos mentales aunque puedan comportarse de una manera que los neurotípicos o gente cuerda o normal no entendería, todo por el hecho de verlos como gente más inadaptada por su forma de ser un tanto más diferente, que son también personas como el resto de la gente y que por tanto también tienen derechos.

    Un saludo.

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak