Eusko Jaurlaritzak herritarrekiko harremanetan Administrazioa eraldatzeko duen ibilbide orria aurkeztu die Garamendik erakundeetako ordezkariei

2022-03-10
  • Gobernantza Publiko eta Autogobernuko sailburuak nabarmendu du Ardatz 2030 planak, gobernantzako, berrikuntza publikoko eta gobernu digitaleko planak, administrazioa herritarren eskakizun berrietara egokituko duela.

Gobernantza Publiko eta Autogobernu Sailburu Olatz Garamendik Gobernantza, Berrikuntza Publiko eta Gobernu Digitalerako 2030erako Plan Estrategikoa aurkeztu die gaur euskal erakundeetako kargu publikoei, eta Eusko Jaurlaritzak herritarrekiko harremanetan administrazioak izan duen eraldaketari buruzko ibilbide orriaren xehetasunak azaldu dizkie. Plana ARDATZ 2030 izenarekin bataiatu da, eta gobernuak gobernantzaren, berrikuntza publikoaren eta gobernu digitalaren arloan garatuko dituen jardueren ardatz gisa aurkezten da.

Euskadiko Artxibo Historikoaren egoitzan, Bilbon, arratsaldean egindako ekitaldian, herrialdeko hainbat erakundetako berrogeita hamar bat ordezkari bildu dira, Eusko Jaurlaritzakoez gain, Eudel, Foru Aldundiak edo Arartekoa, besteak beste. Auditorio horren aurrean, Garamendik euskal administrazioa berriro diseinatzeko egindako plan estrategikoaren ildo nagusiak azaldu ditu, errealitate aldakorraren eta herritarren eskakizun berriei hobeto erantzun diezaien. Garamendik azpimarratu duenez, “modernizazio hutsetik haratago, administrazioaren birdiseinua sustatuko duen aro berri bati ekin behar zaio, betiere herritarren eskaera eta eskakizun berriei hobeto erantzuteko”.

Eguneroko zeregin guztietan herritarrekiko harremanetan Administrazio publikoa nolakoa izan eta nola jardun behar duen irudikatzeko ariketa planteatu du Sailburuak bere hitzaldian. Eta galdera horri erantzuten hasi da ARDATZ 2030 planak bete beharreko helburuak zehaztuz:

  • Kudeaketa eta antolaketa kultura duen administrazio publiko baterantz aurrera egitea, zeinaren balio eta estandar etikoak eta zintzoak herritarrek kudeatzaile publikoengan duten konfiantza berreskuratzea ekarriko duten.
  • Berdintasunezko administrazio publikoa emakume eta gizonentzat.
  • Euskarak zerbitzu eta lan hizkuntza izan behar du.
  • Gobernantza publikoaren eta gobernu onaren eskakizunekin bat datorren egitura, antolaketa eta funtzionamendua duen administrazioa, betiere herritarrengan zentratuta.
  • Herritarrei kalitatezko arreta integrala eta kanal anitzekoa eskainiko dien administrazioa.
  • Erabat digitalizatutako administrazioa.
  • Administrazioak politika eta zerbitzu publikoak garatzen ditu, modu instituzionalizatuan planifikatzen eta ebaluatzen direnak, eta emaitzak sistematikoki eta aldian-aldian aztertzen dira. Herritarrek administrazioaren jardunaren zuzeneko kontrola ahalbidetzen duen administrazioa, eta politiken zein zerbitzuen diseinuan, gauzatzean eta ebaluatzean rol erantzukidea har dezaten errazten duena.
  • Datuen eta informazioaren gobernantza segurua duen administrazio bat, datu pertsonalak babesten dituena eta balio sozial eta ekonomikoa sortzen duena.
  • Maila anitzeko gobernantzan oinarritutako herri-administrazioen arteko harreman eredu bat, hainbat eragile publikori eragiten dieten politiken diseinuan eta inplementazioan adostasuna lortzeko, eta datuak eta informazioa trukatzeko.

ARDATZ 2030 nace como un instrumento transversal vertebrador de la gobernanza, innovación pública y gobierno digital de la Administración vasca y tiene vocación de situar a Euskadi entre las regiones punteras en esta materia. El plan afronta sus retos en cinco ámbitos estratégicos:

Ardatz 2030 euskal administrazioaren gobernantza, berrikuntza publikoa eta gobernu digitala egituratzeko zeharkako tresna gisa sortu da, eta Euskadi arlo horretan punta-puntako eskualdeen artean kokatzeko asmoa du. Planak bost eremu estrategikotan ditu bere erronkak:

  • Gobernu zintzoa, berdinzalea eta elebiduna.
  • Gobernu berritzailea eta etengabeko ikaskuntzan
  • Gobernu digitala, herritarrak ardatz dituena
  • Datuetan oinarritutako Gobernua, eta kontuak ematen dituena
  • Gobernu irekia

Plan estrategikoak garapen iraunkorraren hiru dimentsioak hartzen ditu (soziala, ekonomikoa eta ingurumenekoa), eta integratuta eta lerrokatuta dago nazioarteko eta Europako estrategiekin eta konpromisoekin, eta Eusko Jaurlaritzaren beraren beste plan batzuekin. Legegintzaldi honen Gobernu Programan jasota dagoen Gobernu Digitalaren Euskal Estrategia abian jartzeko konpromisoari erantzuten dio planak. Halaber, Gobernu Kontseiluak legegintzaldi honetarako plan estrategikoei buruz hartutako erabakia betetzen du. Plana elkarlanean eta modu parte-hartzailean egin da, Eusko Jaurlaritzako sail guztiek hartu baitute parte planaren formulazioan. Gainera, herritarrek parte hartzeko prozesu bat ireki da Irekiaren bidez.

Sailburuaren azalpenen ondoren, gobernantzan eta politika publikoetan adituak diren Ivan Stola Ekonomia Lankidetza eta Garapenerako Erakundeko (OCDE) kideak eta Agustin Zubillaga Informatika eta Telekomunikazio Ingeniaritzako doktore eta Orkestrako kideak hartu dute hitza. Jone Berriozabal Erakunde Harremanetarako Sailburuordeak ere parte hartu du mahai-inguruan. Ekitaldia streaming bidez jarraitu ahal izan da Irekiaren webgunean.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak