Asteko adierazle ekonomikoek erakusten dute Euskadiko aire-trafikoa partzialki suspertu dela, baita euskal industria-ekoizpena hazi egin dela ere

2022-01-14

Asteko adierazle ekonomiko garrantzitsuenek, gaur urteko Astekonomiaren lehen alean jasotakoek, Euskadiko aire-trafikoaren susperraldi partziala islatzen dute, baita euskal industria-ekoizpenaren hazkundea ere. Emanaldi berri honetan, euroguneko industriaren bilakaerari ere erreparatzen zaio, dinamismoa galtzen ari baita.

Gaiari helduz, Astekonomiak erakusten du abenduan euskal aireportuetan bidaiatu zuten pertsonen kopurua iazkoaren hirukoitza izan zela ia. Hala ere, hilabete horretan lekualdatu ziren 309.000 pertsonak urrun daude 2018ko eta 2019ko hilabete berean hegan egin zuten 400.000 pertsonetatik.

Bestalde, eta Eustatek argitaratutako informazioaren arabera, Euskal industria-ekoizpena % 6,6 hazi zen azaroan urte arteko tasan. Horri esker, aurten lortutako maila 2019ko hilabete berean erregistratutakotik oso gertu dago, serieko handiena izan baitzen.

Azkenik, joan den apirilean izandako gorakadaren ondoren, Europako industria-ekoizpenak dezelerazio-prozesu handia izan du, eta, horren ondorioz, urte arteko aldakuntza-tasa negatiboa izan du azaroan (-% 1,2). Beherakada horrek Alemaniaren eragina izan du, hiru hilabetez jarraian tasa negatiboak izan baititu.

Asteroko laburpen hau Ekonomia Zuzendaritzak egiten du, "Astekonomia" izenarekin, eta minutu bateko iraupena duten bideo hauen oinarria da. Balantzearen une honetan, nabarmentzekoa da Astekonomiako bideo horiek 21.796 bistaratze lortu zituztela iaz, maiatzetik abendura.

Oraindik ez dago iruzkinik
Iruzkinak itxita daude dokumentu honetan