Euskal ekonomiak “hazkunde solidoko” eremuan itxi zuen 2021a, termometroan jasotako adierazleen arabera
Euskal ekonomiak “hazkunde solidoko” eremuan amaitu zuen 2021a, 131,3 punturekin abenduan, 100 puntutik gora egon baitzen. Gaur egun Ekonomia eta Ogasun Sailak egindako termometroak eskaintzen duen egoeraren argazkia. Termometroa hilero egiten da, euskal ekonomiaren 100 adierazle baino gehiago oinarri hartuta, eta hilabete bakoitzeko lehen egunetan argitaratzen da.
Balio hori aurreko bi hilabeteetakoa baino zertxobait handiagoa da (130,8 puntu azaroan eta 130,0 puntu urrian). Adierazle horrek azken hilabeteetan izan duen hobekuntza leunaren arrazoien artean, enpleguaren ibilbide ona, Gizarte Segurantzako afiliazioaren bilakaerak iradokitzen duen bezala, eta industria-ekoizpenaren gorakada nabarmentzen dira. Bestalde, zerbitzuek hazkunde egonkorra erakusten dute, seigarren olatuak bere jarduera-adar batzuetan izan ditzakeen eraginen ziurgabetasunarekin.
Euskal ekonomiaren termometroa 2021eko urtarrilean hasi zen, 42,1 punturekin (beherapena), eta hurrengo hilabeteetan gora egin zuen modu iraunkorrean. Martxoan (67,2) "hazkunde leuneko" eremuan sartu zen, eta hurrengo hilean 138,1 puntu lortu zituen "hazkunde solidoko" eremuan. Harrezkero, plano horretan mantendu da urtea itxi arte.
