Eusko Jaurlaritzak erabaki du Estatuak aktibatutako Funtsa Lurralde Historikoekin banatzea pandemiak aurrekontuan izandako inpaktua neutralizatzeko (Gobernu Bilera 2021-12-28)

Abuztuaren 3an Euskadik 644,5 M€ jaso zituen Estatuak aktibatutako baliabideetatik pandemiak aurrekontuan izandako inpaktua neutralizatzeko, 684/2021 Errege Dekretuaren bidez. Funts horiek, Autonomia Erkidegoei banatuak, baldintzarik gabekoak dira eta oinarrizko zerbitzu publikoak indartzeko ez ezik —osasuna, hezkuntza eta gizarte-zerbitzuak, besteak beste— beste eskumen batzuk baliatzeko ere erabil daitezke. Horregatik onetsi du gaur Gobernu Kontseiluak 188 M€ (% 29,19) Lurralde Historikoen artean banatzea. 

Eusko Jaurlaritzak egokitzat jo du finantza-lankidetzarako neurriak ezartzea, erakundeen arteko beharrezko koordinazioa eta lankidetza ardatz hartuta. 

Horretarako, gaur arratsaldean bertan, 18:00etan, Herri Dirubideen Euskal Kontseiluaren ezohiko batzar bat egingo da telematikoki, baliabideen banaketa adosteko, Ekarpenen Legean ezarritako koefizienteen arabera. Hortaz, banaketa honako hau izango litzateke: