“Eskerrak, gracias” kanpainak pandemiak eragindako zailtasunen aurrean egindako ahalegina eta erresistentzia eskertu nahi dizkio turismo, ostalaritza eta merkataritzaren sektoreari

2021-12-17

Turismo, Merkataritza eta Kontsumo Sailak Eskerrak, gracias” kanpainaabian jarri du gaur, krisialdi latz honi aurre egiteko borrokan aritu diren eta negozioak aurrera ateratzeko ahaleginak egin dituzten profesionalei esker ona adierazteko.

Atzo Turismo, Merkataritza eta Kontsumoaren Eguna ospatu zen sektoreari esker ona adierazteko ekitaldi batean, pandemiaren ondorioz etendako ohiko sari-banaketa egin ordez. Hala, Turismo, Merkataritza eta Kontsumo Sailak esker on hori indartu nahi izan du “Eskerrak, gracias” kanpainarekin; gaurtik hasita abenduaren 31ra arte telebistan eta irratian ikusi eta entzun ahal izango dena.

Kanpaina honen bidez, merkataritzaren eta ostalaritzaren sektorearen zati handi batek konfinamenduan egin zuen ezinbesteko lana azpimarratu nahi da; izan ere, Javier Hurtado sailburuak atzo gogorarazi zuenez, “funtsezko zerbitzuak zineten eta hala jokatu zenuten”. 

Gainera, itxita egon behar izan zuten establezimendu guztiei ere laguntzea da asmoa, ordutik pandemia osoan zehar egoerari eusteko eta herritarrei zerbitzurik onena eskaintzeko borrokan aritu direnei.

Iruzkin bat
  • 2021-12-28

    Qué hipocresía! En lugar de hacer campañas publicitarias que no valen más que para gastar dinero, podrían no esperar a la víspera de nochevieja para anunciar las restricciones que terminarán de destrozar el sector. Una muestra más de lo poco que le importa al gobierno vasco este sector, eso no hay campaña publicitaria que lo tape.

Iruzkinak itxita daude dokumentu honetan