Eusko Jaurlaritzak Uholde Arriskuari Aurre Egiteko Plan Berezia desaktibatu du Araban

Eusko Jaurlaritzak desaktibatu egin du Uholde Arriskuari Aurre Egiteko Larrialdietako Plan Berezia Araban, iragarpen meteorologikoek onera egin baitute eta Euskadiko ibai-arroen mailek nabarmen egin baitute behera, prezipitazioak oro har gutxitu direlako eta Zadorra sistemaren eremuan bilakaera ona izan delako.

Orain arte Planaren alerta-fasea egon da aktibatuta, baina oraindik ere gertutik zainduko dira ibai-arroak.