Euskal Justiziak bere kudeaketa administratiboa eraldatzeko eta hobetzeko 2021-2026 Digitalizazio Plana aurkeztu du

2021-12-06
  • Espediente Judizial Elektronikoa 2023an egongo da martxan, eta aldaketa digitalaren mugarri handienetako bat izango da
  • Berdintasun, Justizia eta Gizarte Politiketako sailburu Beatriz Artolazabalek Justizia Digitaleko Planaren ildo nagusiak aurkeztuko ditu bihar Gobernu Kontseiluan
  • 2022-2028 Justizia Plan Estrategikoaren ardatzetako bat da lan hori
  • 250 epaile, 100 fiskal eta Justizia Administrazioko 200 legelariri eragingo die, baita milaka profesional eta partikularri ere

 Vitoria-Gasteiz, 2021/12/6

Berdintasun, Justizia eta Gizarte Politiketako sailburu Beatriz Artolazabalek bere saileko proiektu nagusietako baten ildo nagusiak aurkeztuko ditu bihar Gobernu Kontseiluan: 2021-2026 Justizia Plan Digitala. Horren bidez, auzitegietako kudeaketa administratiboa eraldatu eta hobetu nahi da, eta herritarrentzako kudeaketak arindu. Lan hori, gainera, 2022-2028 Justiziako Plan Estrategikoaren ardatzetako bat izango da.

“Plan honen bidez, gaur egungo sistema teknologikoak eta paperezko prozedurak aldatuko ditugu, eta oso justizia digitalizaturantz eboluzionatuko dugu, eraginkorragoa, merkeagoa eta erabiltzaileei zerbitzu hobea emango diena”, azaldu du Artolazabal sailburuak.

Justizia Digitaleko Plana zerbitzu publikoa hobetzeko barneko eta kanpoko operadore juridikoekin lankidetzan egindako lanaren emaitza da. Sailburuaren hitzetan, “digitalizazioak eta are adimen artifizialak ematen duten onura guztia aprobetxatzen saiatzen da, justiziaren antolamendua eta barne-funtzionamendua eta justiziak herritarrekin duen harremana hobetzeko”.

Ildo horretatik, plan honen mugarri nagusietako bat Espediente Judizial Elektronikoa (EJD) ezartzea izango da. Espediente hori 2023an egongo da martxan, besteak beste, Eusko Jaurlaritzak Nafarroakoarekin sinatutako hitzarmenari esker, Avantius sistema informatikoa erabiltzeko.

“Planaren nukleoa EJDn oinarritzen da. Justizia paperean errotik murriztuko da, eta jarduketa eta irizpen digitalak sustatuko dira, baita ez-presentzialak ere. Adimen artifizialean oinarritutako jarduerak egongo dira, hala nola bideo-grabatutako ikuspegien testugintza edo itzultzaile neuronal judiziala”, azaldu du Javier Landeta Eusko Jaurlaritzako Justizia Digitaleko eta Azpiegituretako zuzendariak.

Plan horrek herritarrei ekarriko dizkien onurak azpimarratzen ditu Landetak. Plan horren “produkturik garrantzitsuena Justiziako Karpeta izango da azkenean”, Osakidetzako Osasun Karpetaren ildotik, eta “justiziako langileek gako digitalean lan egiteko aukera”.

Zifratan

Avantius kudeatzen duen enpresa nafarra bisitatu ondoren (Eusko Jaurlaritzako, Epailetzako eta EAEko Fiskaltzako ordezkariek egin dute bisita), prozesu informatikoak profesionalen babes zabala du, eta, zalantzarik gabe, ezarpenaren eragina jasango dute.

Hala, Beatriz Artolazabalen Sailaren kalkuluen arabera, planak 250 epaileri, Fiskaltzako ehun bat pertsonari eta Justizia Administrazioko beste 200 pertsonari eragingo die, baita Eusko Jaurlaritzaren mendeko 2.300 pertsonari baino gehiagori ere, hala nola, Kudeaketa, Izapidetze eta Laguntza, Auzitegiko Medikuntza eta Lan Langileria kidegoetako langileei.

Horrekin batera, ia 5.700 abokatu, 330 prokuradore, bostehun graduatu sozial eta, zeharka, ehun notario baino gehiago eta 40 erregistratzaile baino gehiago. Egunero Justiziako zerbitzu publikoarekin erlazionatzen diren milaka herritar edo era askotako entitateak aipatu gabe.

“Erreferentzia izan ginen informatika judizialean, eta oraindik ere bulego judizialaren antolakuntzan gara, baina digitalizazioan ahalegin handia egitearen alde gaude, Estatuan erreferente izaten jarrai dezagun”, dio Artolazabalek plan horri buruz.

Puntu horretan, sailburuak azken urteko zifrak eman ditu jarduera digitalari dagokionez: 2020ko azarotik 2021eko urrira bitartean, 115.000 bideograbazio eta 17.000 bideokonferentzia baino gehiago egin dira; 140.000 gorabehera baino gehiago erregistratu dira informatika judizialaren zerbitzua erabiltzen duten pertsonen arteko harremanetan, eta 1.130.000 baino gehiago izan dira guztira Justizi.eus-en.

2021-2026 Justizia Digitaleko Plana 100 milioi euroko hasierako inbertsiotik abiatu da, eta abian jartzeko beharrezkoa den zeharkako lan batean oinarritu da: azpiegiturak eguneratzea, bai makinena, bai komunikazio-sareena; informazioaren segurtasuna hobetzea eta datuen babesa, zibererasoak saihesteko eta eskubideak babesteko, eta zerbitzu informatikoen egitura hobetu da.

“Plan hau beste plan askoz zabalago baten ildo estrategikoetako bat da, funtsezkoenetako eta presakoenetako bat. 2022-2028 Justiziako Plan Estrategikoa lantzen ari gara, eta datorren urtean aurkeztuko dugu”, ondorioztatu du Beatriz Artolazabal sailburuak, eta hurrengo sei urteetako jarduera bederatzi lan-lerrotan eta 35 proiektutan finkatu du.

3 iruzkin
  • @andonigarcia
    2021-12-22

    Comentario de Twitter:
    La Justicia vasca presenta su Plan de Digitalización 2021-2026 para transformar y mejorar su gestión administrativa https://t.co/SscpjSjbPB

  • 2021-12-07

    Espediente digitala sustatzea, konfidentzialtasun prebentibo guztiekin, judizio telematikoekin batera, paper bidez eskatzera joan beharrean, ingurumen-inpaktua eta denbora dakartza alde guztientzat. Dagoeneko, inteligentzia artifizial batek defentsa-estrategia diseinatuko du, datuen arabera, eta baliozkotze egokiarekin sartuko dugu.

  • 2021-12-07

    Bien fomentar el expediente digital con todas las preventivas confidencialidad junto a juicios telemáticos, en vez de ir a pedirlo vía papel supone impacto ambiental y tiempo para todas las partes. Ya hasta saldrá abogacía una inteligencia artificial diseñe estrategia de defensa en función los datos le introducimos con validación oportuna.

Iruzkinak itxita daude dokumentu honetan
Ekitaldiko kargudunak