Garamendik Eusko Jaurlaritzaren eta Zuzenbidearen Euskal Akademiaren arteko lankidetza nabarmendu du

2021-11-29
  • Gobernantza Publiko eta Autogobernu Sailburuak Akademiaren ikasturte irekiera ekitaldian parte hartu du

Olatz Garamendi Gobernantza Publiko eta Autogobernu Sailburuak bere Sailak Zuzenbidearen Euskal Akademiarekin egindako lana nabarmendu du, eta lankidetza horren adibidetzat jarri du kasazio zibilaren lege-proiektua, gaur egun Eusko Legebiltzarrean izapidetzen ari dena. Garamendik Zuzenbideko Euskal Akademiaren 2020/21 ikasturtearen irekiera ekitaldian parte hartu du, Andres Urrutia buru duen erakundearen egoitzan.

Ekitaldia Euskal Autonomia Erkidegoko Notarioen Elkargoaren egoitzan izan da, Bilbon, eta Iñaki Subijana Euskal Autonomia Erkidegoko Justizia Auzitegi Nagusiko presidenteak, Carmen Velasco Euskadiko Notarioen Elkargoko dekanordeak eta Gema Tomas Deustuko Unibertsitateko Zuzenbide Fakultateko dekanoak hartu dute parte.

Andres Urrutiak gidatu du irekiera ekitaldia, eta Akademiaren ikasturte honetako mugarrien artean, Euskal Zuzenbide Pribatuaren esparruko ezagutzaren transmisioa eta Garamendi Sailburua buru duen Euskal Zuzenbide Zibileko Batzordearekin lankidetza nabarmendu ditu. Subijanak eta Velascok horrelako hausnarketa juridikorako espazioa izatearen alde egin dute, eta, EAEko Justizia Auzitegi Nagusiko presidentearen arabera, zeharkako planteamenduak sustatzen ditu. IVAPeko zuzendari Egoitz Laburu, Deustuko Unibertsitateko errektore Jose Maria Guibert eta Bizkaiko Herri Administrazio eta Erakunde Harremanetarako foru diputatu Elixabete Etxanobe ere bertan izan ziren. Inaugurazio ekitaldiaren ondoren, "Adrian Celaya" sarien VI. edizioko sariak banatu dira legelari gazteentzat.

Zuzenbideko Euskal Akademiak Zientzia Juridikoak aztertzea, ikertzea eta zabaltzea proposatzen du, bereziki Euskal Zuzenbidearekin zerikusia dutenak, Espainiako Konstituzioaren, Euskal Herriko Autonomia Estatutuaren eta organo autonomiko eta foralek emandako arauen bidez, bai eta doktrina juridikoa, jurisprudentzia aplikagarria eta usadio eta ohitura tradizionalak eta indarrean daudenak ere.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak