BIND 4.0ko 65 partner enpresek 79 startup aukeratu dituzte seigarren edizioko finalistak izateko

2021-11-17
  • Datorren urtarrilean jakinaraziko dira parte-hartzaileak eta programa hasiko da.
  • Aukeratutako 28 EAEkoak dira, 19 espainiarrak eta 32 nazioartekoak.
  • Partner enpresek interes berezia erakutsi dute sortzen ari diren teknologia berriekiko, hala nola hidrogenoaren mugikortasuna, hondakinen kudeaketa, energiaren ekoizpena eta biltegiratzea, blockchain edo e-mobility.

 

BIND 4.0 berrikuntza irekiko plataformak seigarren edizioko 79 startup finalisten zerrenda argitaratu berri du, enpresa handien eta startup berritzaileen arteko lankidetzaren bidez industriaren digitalizazioa bultzatzen jarraitzeko helburuarekin.  2022ko urtarrilean jakinaraziko dira Ekonomiaren Garapen, Jasangarritasun eta Ingurumen Sailaren ekimen publiko-pribatu honetako parte-hartzaileak, SPRI Taldearen eta bere UpEuskadi plataformaren bitartez.

Zehazki, BIND 4.0ko 65 partner enpresek 79 finalista hautatu dituzte, hau da, azken fasera igaro den startup kopuru handiena, aurreko bost edizioekin alderatuta. Errekor berri horrek, alde batetik, 4.0 industriaren etorkizuna bultzatzeko erreferentziazko ekimen gisa BIND 4.0 kokatzen jarraitzen du, eta, bestetik, startupen interesa eta enpresa handiek berrikuntza-plataformari ematen dioten laguntza sendotzen ditu. 

4.0 industriaren etorkizuna markatuko duten teknologiak

Seigarren edizio honetako finalistak 772 hautagaitza baino gehiagoren artean aukeratu dira, eta gehienek —% 61— adimen artifizial eta big data, IoT eta errealitate birtual edo areagotuko soluzioak aplikatzen dituzte. Hala ere, berrikuntza gisa, aurten partnerrek interes berezia erakutsi dute sortzen ari diren soluzioekiko, 4.0 industriaren erronkei erantzuteko modu berri gisa. Horregatik, finalisten artean sektorearen etorkizuna markatuko duten soluzio disruptibo berriak daude, hala nola: hidrogenoaren mugikortasuna, hondakinen kudeaketa, energiaren ekoizpena eta biltegiratzea, blockchain edo e-mobility.

Startupetako teknologia horiek ezarriko dira industria adimendunaren, energia garbi eta jasangarriaren, elikaduraren eta osasunaren esparruetan proiektu berriak garatzeko, BIND 4.0ko partnerren eskutik; horiek joera bihurtuko dira 2022an. 

Jatorriari dagokionez, edizio honetako finalistak 18 herrialdetakoak dira; horietatik 28 Euskal Autonomia Erkidegokoak dira, 19 espainiarrak (Katalunia, Galizia, Murtzia eta Madril, besteak beste), eta 32 nazioartekoak —Alemania, Finlandia eta Frantzia dira ordezkaritza handiena duten herrialdeak; ondoren, Estatu Batuak, Turkia, Suitza, Irlanda eta Portugal daude, besteak beste—.

65 partner enpresa, berrikuntzaren buru

BIND 4.0ren erakargarritasun nagusietako bat da plataforman parte hartzen duten partner enpresen kopuru handia.  Seigarren edizio honi 10 kide berri gehitu behar zaizkio: Arteche, Celsa Group, Cofares, Hitachi Energy, Erreka Group, Onnera Group, Osakidetza, P4Q Electronics, Ramondin, eta Suez Treatment Solutions. Jada programan dauden enpresekin bat egiten duten konpainia handiak, hala nola: Angulas Aguinaga, CIE Automotive, Sarralle, Sidenor, Iberdrola, Orona, Faes Farma edo ITP Aero, besteak beste.

2016an sortu zenetik, BIND 4.0k munduko toki guztietatik datozen startup teknologikoen interesa erakartzea lortu du. Euren helburu nagusia da erreferentziazko bezeroen eskutik merkatura azkarrago iristea, eta, aldi berean, Euskal Autonomia Erkidegoko enpresen berrikuntza eta eraldaketa digitala sustatzea, startupekin batera lanean jardunez.

 

BIND 4.0REN SEIGARREN EDIZIOKO FINALISTEN ZERRENDA

Adimen artifiziala eta Big Data

 

Advian Oy

Finlandia

ANCORA

Espainia

BeChained Artificial Intelligence technologies SL

Espainia

Deep Detection

Espainia

Ecoplant

Estatu Batuak

Energiency

Frantzia

enkitek technologies, S.L.

Euskadi

Exheus

Espainia

Heuristik

Euskadi

iERP.ai

Eslovakia

Industrial Analytics IA GmbH

Alemania

Ingeniería y Control MERASYS S.L.

Espainia

ImagoAI Inc

Estatu Batuak

innoSEP

Alemania

Kaytek Digital Business

Euskadi

Legit Health

Euskadi

LexaTexer - Enterprise AI

Alemania

Metis Labs

Erresuma Batua

NABLA VISION SL

Espainia

NeoCheck

Espainia

Panel Health

Euskadi

SMARTPM

Euskadi

ThinkDeep AI

Frantzia

TRAK

Euskadi

 

 

Fabrikazio gehigarria

 

Hyperion Robotics

Finlandia

IPRINT3DSPARES. SL

Euskadi

MADIT METAL S.L.

Euskadi

Nobrak

Frantzia

TG0

Erresuma Batua

 

 

Robotika Kolaboratiboa

 

Alerion

Euskadi

Deep Learning Robotics, Ltd.

Israel

FuVeX

Espainia

RiACT Robotics

Danimarka

Steering Machines

Espainia

 

 

Informatika

 

Klepsydra Technologies GmbH

Suitza

SincroPool S3

Espainia

 

 

Zibersegurtasuna

 

HodeiCloud S.L.

Euskadi

Nymiz Software Company, S.L.

Euskadi

Versia Tecnologias Emergentes

Euskadi

 

 

 

 

 

IoT

 

Ariadne Maps

Alemania

Arctic Sea, SL

Euskadi

Breeze Technologies

Alemania

Donomotics

Euskadi

FaradaIC

Alemania

HOMYHUB

Espainia

iSentioLabs

Irlanda

LESS Industries

Polonia

Logmore Oy

Finlandia

Miraex

Suitza

Nazca Ingeniería SL

Espainia

ONWARD Health Research

Singapur

Oonlive

Espainia

OWIT IBERIA SL

Espainia

Sensemore

Turkia

The Future Care (UK) Ltd

Erresuma Batua

WimbiTek

Euskadi

Zerynth

Italia

 

 

Errealitate birtuala eta areagotua

 

Hovering Solutions

Espainia

Infinite Foundry

Portugal

Ipartic Consulting, S.L. (Bexreal)

Euskadi

NUUK Technologies SL.

Euskadi

OREKA INTERACTIVE, S.L.

Euskadi

SWIPEGUIDE

Herbehereak

Veris Behavior

Euskadi

ViveLab Ergo

Hungaria

 

 

 

Gailu medikoak

 

E process Med

Euskadi

Healthinn

Espainia

Inbizi Healthcare

Euskadi

Indicate Solutions

Euskadi

Energia ekoiztea eta biltegiratzea

 

Cleverwind s.l.

Euskadi

ENFASYS Ingeniería S.L.

Espainia

Six To Go Solutions SL (Alterity)

Euskadi

 

 

Nanoteknologia/Material Berriak

 

BestHealth4U (BH4U)

Portugal

COOLING PHOTONICS

Espainia

 

 

Bestelako teknologiak

 

Encoord

Estatu Batuak

EPowerlabs

Euskadi

icommunity labs

Espainia

Recircular

Euskadi

Spouted Beds Solutions

Euskadi

 

 

 

BIND 4.0-ri buruz

BIND 4.0 industria adimendunaren berrikuntza ireki publiko-pribatuko plataforma bat da, Eusko Jaurlaritzako Ekonomiaren Garapen, Jasangarritasun eta Ingurumen Sailak sortua, SPRI Taldearen eta Euskal Autonomia Erkidegoko ekintzailetzaren ekosistemaren UpEuskadi plataformaren bitartez. Gaur egun, Euskal Autonomia Erkidegoan egoitza duten erreferentziazko enpresa nagusi globaletako 65en lankidetza du. Ekimen honen helburua da industriaren eraldaketa digitala bultzatzea eta, aldi berean, ekimen berritzaileen sendotzea bizkortzea, enpresa handien eta startupen arteko lankidetza-eredu baten bidez. 2016. urteaz geroztik, BIND 4.0k 200 proiektu bizkortu ditu guztira. Proiektu horiek 130 startupek baino gehiagok garatu dituzte egindako bost edizioetan.

 

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak