Glasgowko COP26ko Akordioari buruzko premiazko balorazioa

2021-11-15

Asteburu honetan ezagutu dugu Glasgown Nazio Batuen Erakundearen klima larrialdiari buruzko goi-bileran adostu den akordio ofiziala.

Euskadi hitzordu horretan egon zen, gure ekarpenak egin genituen gure eskualde izaeratik, eta jakina, nazioarteko akordioaren balorazioa lantzen ari gara. Bihar Gobernu Kontseiluan partekatuko da balorazio formala, baina, gaur goizean, Arantxa Tapia Ekonomiaren Garapen, Jasangarritasun eta Ingurumeneko sailburuak aurreratu ditu ildo nagusiak:

Akordio inperfektu baten aurrean gaude, nahiz eta akordio historiko eta erabakigarria izan, batez ere, bi helbururekin:

  1. isuriak murrizteko konpromisoak 1,5 graduko berotze globalaren mugari eusteko
  2. garapen bidean dauden eta kalteberak diren herrialdeentzat urtean 100.000 milioi dolarreko helburua lortzea

Eta uste dugu, bere inperfekzioa aitortuta ere, akordio garrantzitsu baten aurrean gaudela.

Zergatik?

  1. Inperfektoa, baina historikoa
    Munduko potentzia guztiek klima-erronka lehentasunezko gaitzat hartzea lortu da. Esan dezakegu apustu klimatikoa munduko agendaren parte dela. Historian ez zen ezagutzen horrelako akordioen adostasun-maila hain zabala.
  2. Inperfektoa, baina anbizio handiagokoa
    Parisko Akordioaren helburuen erregelamendua adostu da. Erregelamendu horrek konpromisotik ekintzara jauzi egiteko bidea ematen du, eta herrialde guztiek ekintza-planak onartzea eta inplementatzea eskatzen du.
  3. Inperfektoa, baina solidarioa
    Herrialde garatuen konpromisoa herrialde kalteberak finantzatzeko. Hori dela eta, planeta honetan gizateriarentzako espazio seguru eta oparoa eskain dezakegula uste dugu. Baina ez da erlaxatzeko astirik izango: oraindik lan gogorra baitago aurretik.

Zer irakurketa egiten dugu Euskaditik, eta nola eragiten digu?

Akordio “inperfektoa” da, baina Euskadi Glasgown ezarritako helburuen aurretik doala onartzen du.

Euskadik 2050erako “zero emisio garbi “egiteko konpromisoa, dagoeneko hartua zuen

Euskadik berotegi-efektuko gasen emisioak % 45 murrizteko konpromisoa hartua zuen.

Glasgown egindako COP26 goi-bileran adierazi genuen hori, eta Euskadin berretsi dugu orain: Eusko Jaurlaritzak mundu-mailako akordioarekin bat egiten du, hartutako konpromisoak baino urrats bat harago.

COP26ko Akordioarekin bat egiten dugu anbizio handiagoz jokatu nahirik eta gure ekintza areagotzen ari garela erakutsiz.

Arintzeari, bai

Egokitzapenari, ere bai

Horretarako, batez ere: ekintza eta finantzaketa.

Konponbideak bilatzeko eta ekintzak areagotzeko konpromisoa hartzen dugu, dagokion finantzaketarekin.

2022.urtean, Eusko Jaurlaritzaren aurrekontutik 304 milioi izango dira Euskadiko klima-aldaketaren aurkako ekintzarako.

 

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak