Javier Hurtado Sailburua Irungo Alkatearekin bildu da udalerriko turismo-proiektuak eta merkataritzaren eta ostalaritzaren egoera ezagutzeko

2021-11-08
  • Javier Hurtadok eta Jose Antonio Santanok Irunek Europako Funtsak jasotzeko aurkeztutako proiektuak aztertu dituzte eta Oiasso Museoa eta Irugurutzeta bisitatu dituzte

Turismo, Merkataritza eta Kontsumoko sailburu Javier Hurtado eta Irungo alkate Jose Antonio Santano bildu dira, baita lehen alkateorde eta Ogasuneko ordezkari Miguel Angel Paez eta Hiri Bultzadako ordezkari Junkal Eizaguirre ere.

Udaleko bozeramaileei agurra egin ondoren, lan-bilera egin dute alkatetzan, turismoarekin eta merkataritzarekin lotuta Irungo Udalak Europako Funtsetarako aurkeztu dituen proiektuak, Irungo merkataritzaren eta ostalaritzaren egoera eta Udalak sektoreari laguntzeko hartu dituen neurriak aztertzeko.

Izan ere, Europako Funtsen kudeaketari begira, irekitako lehen finantzaketa-ildoetako bat Industria, Merkataritza eta Turismo Ministerioak sustatutako Helburuen Jasangarritasun Turistikoaren Estrategia —Eusko Jaurlaritzako Turismo Sailarekin koordinatuta kudeatzen ari dena— izan da. Topaketan, hiriak aurkeztutako proiektuen ildo nagusiak aztertu ahal izan dituzte, baita haiek bertatik bertara bisitatu ere.

Horrela, bileraren ondoren Oiasso Museora joan dira instalazioak ezagutzeko. Irunek Next Europako Funtsak jasotzeko aurkeztu dituen proiektu nagusietako bat da. Meaka auzoko Irugurutzeta gunera ere hurbildu dira, meategiko kaltzinazio-labeak bisitatzeko. Bateria berezi bat da; duela gutxi Euskal Autonomia Erkidegoko turismo industrialaren ondare gisa aitortu zen.

 

 

 

Oraindik ez dago iruzkinik
Iruzkinak itxita daude dokumentu honetan