Eusko Jaurlaritzak bere esperientzia azaldu du 6. Migrazioei Buruzko Europako Foroan

2021-10-27
  • Euskadiko migratzaileak hartzeko babes komunitarioko programa pilotua, Europar Batasuneko beste eskualde eta estatu batzuetarako eredua

Brusela, 2021 10 27

Eusko Jaurlaritzako Berdintasun, Justizia eta Gizarte Politiketako Sailak bere esperientziaren berri eman du gaur goizean, bihar arte Bruselan egingo den 6´garren Migrazioei buruzko Europako Foroan. H. Nidetzky (Europako Batzordea) eta Anila Noor (Migrazioan eta Asiloan Adituen Taldea) buru dituen elkartrukeari buruzko atalean, euskal ordezkaritzak nabarmendu du programaren helburua dela errefuxiatuei laguntzea babes komunitarioaren bidez, Euskadin babesa bilatzen duten edo dagoeneko baduten pertsonak hartzeko eta integratzeko ekintzen koordinazioa hobetu eta indartzeko.

Eusko Jaurlaritzak Bruselan dituen Europako Erakundeen Ordezkaritzak azaldu duenez, "Auzolana 2" programa Kanadako ereduan oinarrituta dago, eta babes komunitarioaren formulak tokiko biztanleek helburu horretan zuzenean parte hartzea bilatzen du ".

Eusko Jaurlaritzak, 2019an, Auzolana II izeneko ekimen pilotua jarri zuen abian EAEn, errefuxiatuekin duen konpromisoaren barruan. Oraingoz, programa hau lehen esperientzia pilotua da babes komunitarioan estatuan.

Programa pilotua 2019ko martxoaren 26an hasi zen, eta 29 pertsona iritsi ziren Euskadira, bost errefuxiatu-familia independentez osatuta. Hauetatik 16 haurrak dira. Denak Jordaniatik etorri ziren eta siriarrak dira. Familiek errefuxiatu-esparruetan antzeko baldintzak izan zituzten arren, bakoitzaren egoera desberdina zen.

Euskal Autonomia Erkidegora iritsi zirenean, borondatezko babes komunitarioko bost talde arduratu ziren bost udalerritan hartu eta finkatzeaz: Bilbon, Arrigorriagan, Portugaleten, Andoainen eta Gasteizen. Tokiko boluntariotzako bost taldeek bi erakunde sozial eta erlijiosoren babesa dute: Caritas Euskadi (Bilbon, Andoainen eta Gasteizen) eta Ignacio Ellakuria Gizarte Fundazioa (Arrigorriagan eta Portugaleten), esperientzia pilotua koordinatzeaz eta jarraitzeaz arduratzen direnak.  Proiektuak bi urte irauten du, eta, azken etapan, komunitatearen babesa jasotzen duten familiak autonomoak eta buruaskiak bihurtzen dira.

Prestakuntza

Babesletza-proiektuan parte hartu zutenek Migrazioetarako Nazioarteko Erakundeak (OIM) eskainitako orientazio-ikastaroak jaso zituzten, baita irten aurretik babesletza-programari buruzko informazio espezifikoa ere. Babes komunitarioan parte hartzen duten familiek hiru elementuri eman behar zieten baimena: Espainiako Gobernuaren birkokatze-programarekin bat egitea, Auzolana Bigarren parte hartzea eta toki-erakundeen proposamenak onartzea.

Gizarte-erakunde babesleek etxebizitza eman behar dute proiektuak irauten duen bi urteetan, 10.000 euroko laguntza ekonomikoa eta tokiko boluntariotzako bost taldeak.

2021eko martxoan ebaluazio-txosten bat argitaratu zen, proiektua inplementatu zen lehen urtearen ondoren, eta, laburbilduz, txostenak dio esperientzia pilotuak behar bezala funtzionatu duela, nahiz eta logikoki hobetzeko arloak ere badauden. Erronka, orain, aurrera nola egin da. Beraz, lankidetza-hitzarmena 2023ra arte luzatu da, nazioarteko babesa jasotzen duten familia berriak jasotzeko.

Proiektuaren dimentsio nazional eta europarrari dagokionez, Eusko Jaurlaritzak esperientzia horren bidez lortutako ezagutza transferitu du maila nazionalean, eta beste bi autonomia erkidegok babes komunitarioko programak jarriko dituzte abian.

Europa mailan, Eusko Jaurlaritzak SHARE QSN (Quality Sponsorship Network) izeneko proiektu europar batean parte hartzen du, 2021eko urtarriletik 2023ko ekainera arte inplementatua eta Europar Batasuneko Asilo, Migrazio eta Integrazio Funtsak (AMIF) kofinantzatua, gaur egun testuinguru nazionaletan babes pribatuko programak egiten ari diren aktoreak biltzen dituena.

2 iruzkin
  • 2021-10-28

    Eskura dauden tresnei etekina ateratzen irakastea ere. Baliteke pertsona batzuek gailu elektronikoaren funtzionaltasun guztiak erabiltzen ez jakitea, egun osoa pantailara lotuta egon ordez. Horrez gain, konexioa eta maneiatzeko moduak eta, gaizki erabiliz gero, nola jokatu behar den jakinaraztea.

  • 2021-10-28

    Enseñar también utilizar sacar rendimiento herramientas se dispone. Puede haber personas no sepan manejar todas las funcionalidades de su dispositivo electrónico en vez de para estar todo el día la persona enganchada a la pantalla. también dar a conocer los riesgos conexión y formas de manejarlos y actuación en caso de mal manejo.

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
Beste gonbidatu batzuk
  • H. Nidetzky , Anila Noor, Ylva Johansson