Lehendakariordeak Langileen Estatutu berria eskatu du, “emakumeen eta gizonen arteko erabateko berdintasuna lortzeko”

2021-10-27
  • Mendiak lan-arloko emakumeen eta gizonen arteko berdintasunari buruzko lehen jardunaldia inauguratu du gaur BECen

Idoia Mendia lehendakariorde eta Lan eta Enplegu sailburuak gaur eskatu du beharrezkoa dela lan-esparru berri bat izatea, negoziazio kolektiboa ardatz izango duena galdutako eskubideak berreskuratzeko, errealitate ekonomiko berrietarako eskubide berriak artikulatzeko, enpresen aurrerabidea horietan lan egiten dutenen aurrerapenarekin egokitzeko, eta ekintza guzti-guztiak emakumeen eta gizonen berdintasun osoarekin zeharkatzeko.

Laneko emakumeen eta gizonen arteko berdintasunari buruzko lehen jardunaldiaren inaugurazioan egin ditu adierazpen horiek Mendiak. Ekitaldi hori buru duen sailak antolatu du, eta soldata-arrakalari eta horrek eragiten dituen desberdintasunei buruz hausnartu du.

Jardunaldia Barakaldoko BECen egin da gaur egun osoan, eta hizlari garrantzitsuek hartu dute parte, hala nola LANEko lan-baldintzei eta enpleguari buruzko Programaren zuzendariak, Manuela Tomeik. Azaroaren 24an jarraipena izango du, Lan Ikuskaritza: ordainsarien berdintasunerako tresna izango duen saio berri batekin.

 

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak